ШЫМКЕНТ. 14 - маусым. Kazakhstan Today. Оңтүстік Қазақстандағы цемент импорты бес есеге жуық өскен. Бұл туралы Kazakhstan Today агенттігінің тілшісіне Оңтүстік Қазақстан облысының Кедендік бақылау департаментінің баспасөз қызметі хабарлады.
Оңтүстік Қазақстан облысының Кедендік бақылау департаментінің мәліметі бойынша үстіміздегі жылдың алғашқы бес айында облысқа жалпы құны 6 млн 777 мың долларды құрайтын 110 303 тонна цемент әкелінген. Ал өткен жылдың осындай уақытында 1 млн 275 мың долларға 24 337 тонна өнім әкелінген. "Өсу көлемі 4,5 еседен де көп болып шықты", - деп хабарлады баспасөз қызметі.
Ұсынылған декларацияларға сәйкес, Ираннан - 902 тонна (2006 жылдың қаңтар - мамыр айларында 431,5 тонна әкелінген), Қытайдан - 426 тонна (179,5 тонна) және Өзбекстаннан - 108 975 тонна (23 337 тонна) цемент әкелінген. Өткен жылы, сондай-ақ, цемент Венгриядан - 57,6 тонна, Түркиядан - 11,2 тонна, Ресейден - 320 тонна енгізілген.
Оңтүстік Қазақстан облыстық өнеркәсіп және кәсіпкерлік департаментінің мәліметтері бойынша, облыстың екі цемент зауыты бірлесіп шамамен 1 млн 200 мың тонна цемент шығарады деп болжанып отыр (шымкенттік - шамамен 900 мың тонна және састөбелік - шамамен 300 мың тонна). Өткен жылы 700 мың тоннадан астам цемент шығарылған болатын.
Облыстық Құрылыс департаментінің мәліметтеріне сәйкес, Оңтүстік Қазақстан облысында 2006 жылы тұрғын үй мен әлеуметтік бағыттағы нысандар құрылысына 12 млрд 715 млн теңге қарастырылған. 2007 жылы осы мақсатқа 16 млрд теңге бөлініп отыр. Яғни, былтырғымен салыстырғанда өсу көрсеткіші 32 пайызды құрады. Сонымен қатар, жекеменшік құрылыс көлемінің де өсу көлемі белсенді түрде жүріп жатыр.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
2007 жылдың алғашқы бес айында Оңтүстік Қазақстан облысына сырттан келген цемент импорты бес есе өскен - Оңтүстік Қазақстан облысының Кедендік бақылау департаменті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.