2007 жылы "Қазына" ТДҚ компаниялар тобының кірісі 4,8 млрд теңгені құрады
2007 жылы "Қазына" ТДҚ компаниялар тобының кірісі 4,8 млрд теңгені құрады
Астана. 11-ақпан. "Қазақстан Бүгін" - 2007 жылы "Қазына" тұрақты даму қоры" АҚ құрамына кіретін компаниялар тобының кірісі 4,8 млрд теңгені құрады. Бұл туралы бүгін қордың басқарма төрағасы А.Дунаев мекеменің алқа отырысында мәлім етті, деп хабарлайды "Қазақстан Бүгін" агенттігінің тілшісі.
"Қор компаниялар тобының іс-қызметінің нәтижелері бойынша шығындар азайып, кіріс көлемі артты. Мәселен, "Қазына" қорының қарамағындағы компаниялар тобының шығыны 2006 жылы 4,6 млрд. теңгені құраса, 2007 жылы табыс 4,8 млрд. теңгені құрады", - деп мәлім етті А. Дунаев. Ол, басты компания "тұңғыш рет қаржылық жылды оң нәтижемен аяқтады" деп атап көрсетті.
А. Дунаевтың айтуынша, 2001 жылдан 2006 жылдың үшінші тоқсанына дейін даму институттары қаржылық жылдарын шығынмен аяқтап келген. Мәселен, "Қазына" қорының қарамағындағы компаниялар тобының шығыны 2006 жылы 4,6 млрд. теңгені құрағандығын атап өтті. Сонымен қатар, "басты компанияны құрғанға дейінгі жылдар ішінде даму институттары жалпы 2,1 млрд АҚШ долларына жуық қаржыны құрайтын жобаларды мақұлдаған, оның 1 млрд АҚШ доллары даму институттарының үлесінде".
"Қазына" компанияларының тобы өткен жылы жалпы сомасы 4,6 млрд. доллар болатын жобаларды мақұлдады, ондағы даму институттарының үлесі 1,4 млрд. долларды құрайды. Даму институттарының бүкіл тарихында 170-тен астам жоба мақұлданса, оның 76-сы өткен жылдың үлесіне тиіп отыр. Бұл мақұлданған жобалардың 44 пайызын құрайды",- деп атап көрсетті А. Дунаев.
А. Дунаев сондай-ақ, "Қазына" қоры құрылғанға дейін жобалар қоржынының сапасы айтарлықтай төмен болғандығын, ал даму институттары қоржынының өсімі тек 20 пайызды ғана құраған, ол кезде коммерциялық банктер қоржынының өсімі 50-70 пайыз болғандығын" атап өтті. Сонымен қатар, институттардың несиелік қоржынының айтарлықтай өсіп, қазіргі уақытта "Қазына" қорының құрамындағы даму институттарының инвестициялық қоржыны 6,6 млрд. долларды құрап отыр".
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.