2013 жылдың қорытындысы бойынша Ақтөбе облысы инвестиция көлемі жағынан үшінші орында
"Инвестиция көлемі бойынша облыс аймақтар арасында Атырау облысы мен Астана қаласынан кейінгі үшінші орынды иеленді.Ауыл шаруашылығында жалпы өнім көлемі 127,9 млрд. теңгені құрады немесе өткен жылғы деңгейден 100,3%.
Алматы. 19 ақпан. Kazakhstan today. Облыс экономикасына есепті жылы жарты триллионға жуық (496,2 млрд. теңге) инвестиция тартылды, бұл өткен жылғы көлемінен 11,9% артық.
"Инвестиция көлемі бойынша облыс аймақтар арасында Атырау облысы мен Астана қаласынан кейінгі үшінші орынды иеленді.Ауыл шаруашылығында жалпы өнім көлемі 127,9 млрд. теңгені құрады немесе өткен жылғы деңгейден 100,3%. Өсімдік шаруашылығы саласының нақты көлем индексі 110,2%, ал мал шар-уашылығы 95,9 % құрады", - деп облыс әкімдігінен хабарлады.
Шағын және орта бизнесте жұмыс жасайтындар саны 12,6% өсіп, 120,2 мың адамды құрады. Олар 431,4 млрд. теңге сомасына өнім шығарды, бұл өткен жылғы деңгейден 3,3% артық. Осының нәтижесінде бюджетке салық және басқа да төлемдердің түсу көлемі 7,3%ұлғайды (115,6 млрд. теңге).
Бөлшек тауар айналымының нақты көлем индексі 110,8% жетті. Барлығы 335,7 млрд. теңгеге тауар өткізілді.
"Шоғырланған бюджетке (Ұлттық қормен қоса алғанда) түскен салықтар мен басқа төлемдер 614,5 млрд. теңгені құрады немесе болжамға 102,7% құрайды: оның ішінде республикалық бюджет- 182,7 млрд. теңге, жергілікті бюджет - 75,0 млрд. теңге. 2013 жылы Ұлттық қорға 356,7 млрд. теңге жіберілді", - деп хабарлады әкімдікте.
Инфляция деңгейі 4,5% құрады немесе орташа республика бойынша 0,3 % төмен.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.