2015-2019 жылдарға арналған ҮИИД МБ 6 басым салаға негізделген
"Малайзия мен Тайланд секілді елдерде экспортқа шығатын тауар түрлері шамамен 800 тауарға дейін барды. Қазақстанның да осынау көрсеткішті кемінде 300-ге жеткізу мүмкіндігі бар. Бұл Ресей мен Чили, Бразилия нарығына шығуға мүмкіндік береді", - дейді Е.Досаев.
Алматы. 2 шілде. Kazakhstan today. 2015-2019 жылдарға арналған үдемелі индустриялық-инновациялық даму мемлекеттік бағдарламасы 6 басым салаға негізделген, деп мәлімдеді бүгін ҚР экономика және бюджеттік жоспарлау министрі Ерболат Досаев Қазақстан Республикасы Президенті Нұрсұлтан Назарбаевтың қатысуымен өткен үдемелі индустриялды-инновациялық даму мемлекеттік бағдарламасы бойынша Үкіметтің есебінде.
"Индустрияландырудың екінші кезеңі экономиканың теңестірілген құрылымын құруға және елдің экспорттық әлеуетін арттыруға жетекші орынға ие болатын өңдеуші өнеркәсіпті қамтитын жаңа жұмыс орындарының құрылуына, макроэкономикалық тұрақтылықты қамтамасыз ететін және ондағы қаржылық базаны сақтайтын дәстүрлі (шикізаттық) салаға ұзақмерзімді болашақта экономиканың тұрақты өсімінің негізіне айналатын және жаңа көздерді ашатын инновациялық сектор мен көпшілікті жұмыспен қамтитын және өндірісі аз секторлардан өнімі мен табысы жоғары секторларға кісі алмасуына мүмкіндік беретін қызмет саласына негізделген", - дейді министр.
Оның айтуынша, транспорттық, индустриялық және энергетикалық инфрақұрылымға ерекше маңыз берілген.
Сонымен қатар, Дүниежүзілік банк пен АДБ секілді ірі халықаралық ұйымдардың ұсынысымен салалардың әртараптандыруына ғана көңіл аударылмай, сонымен қатар сауда әріптестерінің де әртараптандыруы мен тауар түрлері мен экспорт кезіндегі қызметтерді де әртараптандыру маңызды. АДБ сарапшыларының мәліметінше, бүгінде 127 тауар түрі ғана экспортталады екен.
"Малайзия мен Тайланд секілді елдерде экспортқа шығатын тауар түрлері шамамен 800 тауарға дейін барды. Қазақстанның да осынау көрсеткішті кемінде 300-ге жеткізу мүмкіндігі бар. Бұл Ресей мен Чили, Бразилия нарығына шығуға мүмкіндік береді", - дейді Е.Досаев.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.