2035 жылға қарай мұнайдың баррелі 130 долларға тең болуы мүмкін- ХЭА
Мұнай тұтынудың артуы 2035 жылы барреліне 130 долларға дейін артуына алып келуі мүмкін, деп мәлімдеді "KAZENERGY" қауымдастығы кеңесінің отрысы қорытындысы бойынша баспасөз конференциясында Халықаралық Энергетикалық Агенттігінің (ХЭА) атқарушы директоры Мария Ван дер Ховен.
Алматы. 16 қаңтар. Kazakhstan today. Мұнай тұтынудың артуы 2035 жылы барреліне 130 долларға дейін артуына алып келуі мүмкін, деп мәлімдеді "KAZENERGY" қауымдастығы кеңесінің отрысы қорытындысы бойынша баспасөз конференциясында Халықаралық Энергетикалық Агенттігінің (ХЭА) атқарушы директоры Мария Ван дер Ховен.
"Мұнай тұтынудың артуы 2035 жылы барреліне 130 долларға дейін артуына алып келуі мүмкін. Алайда бұл жанармай үшін мұнайдың жалғыз көз болады дегенге саймайды. Жанармайға мұнаймен қоса баламалы отын көздері де бар. Ол кезде табиғи газ бен дизельді отын да қолжетімді бола бастайды. Сол себепті қайта өңдеуші секторға сұраныстың артуы қиындық тудыруы мүмкін. Ең алдымен құнның артуы тұтынушыларға кері әсерін тигізеді", - деді Мария Ван дер Ховен.
Оның айтуынша, қайта өңдеу әлеуетінің қуаты тұтыну көлемін арттыруға алып келеді.
Осыған орай негізгі қуат Еуропа, АҚШ, Жапонияда байқалады. Тұтыну көлемі дамушы елдерде арта түседі.
"Біздің байқауымызша, Қытайдың қуатынының 2025 жылға қарай айтарлықтай артуы мүмкін. Сосын ол кезде мұнай өңдеу зауыттары салына бастайды. Сонымен қатар, Таяу Шығыста да жергілікті тұтыну мен шетелге сату үшін Мұнай өңдеу зауыттары салынады", - деді сарапшы.
Айта кету керек, халықаралық энергетика агенттігі Экономикалық әріптестік және даму ұйымы аясындағы жалғыз халықаралық автономды орган. ХЭА құрамына 28 ел кіреді.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.