Кедендік тексерудің қорытындысы бойынша 794 бұзушылық анықталды
- әкімшілік құқық бұзушылық туралы істер бойынша салынған айыппұл сомасы - 2 млн.теңгені құрады.
Алматы. 1 желтоқсан. Kazakhstan Today - Ахуалдық орталықтың атқарған жұмысының нәтижесінде 230 млн.теңгеден аса кедендік төлемдер мен салықтар қоса есептелді.
ИТК суреттеріне жүргізілген талдау шеңберінде ағымдағы жылғы сәуірден қарашаға дейін Ахуалдық орталықтың қызметкерлері ИТК 72 мыңнан астам суретіне талдау жүргізді, оның ішінде 1499 сурет бойынша "ИТК күдікті" деген мөртабан қою ұсынылды. Анықталған 1499 күдіктердің ішінен:
- жете тексерудің қорытындысы бойынша 794 бұзушылық анықталды;
- кедендік төлемдер мен салықтар 236,6 млн. теңгеге қоса есептелді;
- әкімшілік құқық бұзушылық туралы 59 іс қозғалды;
- әкімшілік құқық бұзушылық туралы істер бойынша салынған айыппұл сомасы - 2 млн.теңгені құрады.
Анықтама: ҚР ҚМ Жауапты хатшысының бұйрығымен құрылған МКК КӘД Ахуалдық орталығы ЕАЭО кедендік шекарасының Қазақстанға қарасты бөлігінде орналасқан барлық өткізу пункттеріне мониторингті, сондай-ақ өткізу пункттерде орналасқан уақытша сақтау қоймаларында жүргізілетін кедендік операцияларға бейнебақылауды жүзеге асырады.
Осылайша, Орталықтың қызметі нақты уақыт режимінде өткізу пункттерде жүргізілетін кедендік операцияларға мониторингті және бақылауды жүзеге асыруға мүмкіндік береді.
Келешекте Орталық кешенді салықтық және кедендік тәуекелдерді қолдана отырып мемлекеттік кірістер органдарының бақылауындағы объектілер мен субъектілерге қатысты "24/7" қағидаты бойынша жұмыс режимімен Өткізу пункттерін басқару орталығы ретінде өзінің зияткерлік-талдау әлеуетін дамытатын, сондай-ақ оларды бұдан әрі талдайтын және бақылайтын болады.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.