АЭФ аясында "Астана Invest 2014" Халықаралық инвестициялық форумы өтеді
2014 жылдың 21 мамыры күні Тәуелсіздік Сарайында VII Астана экономикалық форумы шеңберінде "Астана Invest 2014" V Халықаралық инвестициялық форумы өтеді.
Алматы. 6 мамыр. Kazakhstan today. 2014 жылдың 21 мамыры күні Тәуелсіздік Сарайында VII Астана экономикалық форумы шеңберінде "Астана Invest 2014" V Халықаралық инвестициялық форумы өтеді.
"Астана Invest" Форумы Астана қаласына инвестициялар тартуға, қатысушыларды қаланы инвестициялық дамытудың өзекті үрдістеріне тарту, халықаралық ынтымақтастықты жақсарту және Астана қаласы брендін ілгерілетуге бағытталған, деп ұйымдастырушылар хабарлады.
Форумның басты мақсаты - Астана қаласының инвестициялық мүмкіндіктерінін таныстыру және алдағы уақытта қала экономикасына отандық және шетелдік инвестициялар ағындарын ынталандыру болып табылады.
Форумда мемлекеттік органдар, ұлттық компаниялар, даму институттары, шетелдік компаниялар, қаржы институттары, Астана қаласының ірі және орта бизнес өкілдерінен 400-дей адамның қатысуы жоспарланып отыр.
Форумда Қазақстанның елордасын инвестициялауға, Астананың топ "ақылды қалаларының" рейтингіне енуі және қаланың инфрақұрылымын "EXPO-2017" Халықаралық мамандандырылған көрмені өткізуге дайындауға байланысты мәселелер талқыланады.
Бұдан басқа, Форум қонақтарына Бірыңғай индустриялық-инновациялық көрмесі шеңберінде және Астана қаласының Индустриалдық паркіне бару кезінде елорданың инвестициялық жобаларымен танысуларына мүмкіндік туады.
Форумқа қатысу әлеуетті инвесторларға өңірдің бизнесті жүргізудегі экономикалық, құқықтық және басқа да жағдайларын зерделеуге, Астананың инвестициялық ұсыныстарымен танысуларына, сондай-ақ ресми және іскерлік қауымы өкілдерімен өңірлік инвестициялық ынтымақтастықтың келешегін талқылауға мүмкіндік туады.
Өткен жылғы форумда 500 қатысушы жиналып, оның нәтижесінде әлеуетті инвесторлармен 1,5 млрд. долларға ынтымақтастық туралы 10 Меморандумға қол қойылып, оның шеңберінде қала аумағында нақты жобалар жүзеге асырылуда.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.