ФРАНКФУРТ. 8-тамыз. Kazakhstan Today. Алматы қалалық әкімшілігі мен еліміздің қаржы министрлігі халықаралық Depfa-bankтің сауалын жауапсыз қалдырды. Бұл туралы Kazakhstan Today тілшісіне компанияның корпоративтік байланыстар жөніндегі директоры Хенрик Ханнеманн хабарлады.
"Біз, мүдделі жақ ретінде барлық қажетті құжаттарды таныстыра отырып өткізген көптеген кездесулер мен алмасылған хат-хабарларға қосымша Алматы қалалық әкімшілігі мен Қаржы министрлігіне аталмыш тексеру қорытындысына қатысты ақпарлармен таныстыруды сұрап хат жолдадық, бірақ оған жауап болмады",- делінген компанияның хабарламасында.
Алайда, "қаржы министрлігі өткізіп жатқан арнаулы тексерудің қорытындысына қарай қала өз міндеттемесін өтейді деген әкім И.Тасмағамбетов мырзаның мәлімдемесіне қарамастан, Depfa-bankтегілер бұл тексеруді мәселенің мән-жайына ешбір қатысы жоқ деп санайды". "Өйткені біз вексельдерді Парижде орналасқан банктен сатып алғандықтан, және оларды сатып алуға қатысты алыс-беріс осы саладағы халықаралық процедураларға және вексельдер алмасу ережелеріне толық сәйкестендірілген",- делінген хабарламада.
Х.Ханнеман банктің "қазақ эмитенттері үшін халықаралық рыноктағы ахуал айтарлықтай қолайлы болмаған" 2000-жылдан бастап қазақстандық несиегерлерге белсенді түрде несиелер бере бастағанын еске сала кетті. "Біз сонымен бірге қазір де бірқатар қазақ несиегерлеріне халықаралық рынокта қолдау көрсетуге дайынбыз. Алайда қаржы министрлігі мен Алматы қалалық әкімшілігі тарапына жауап қадамдардың болмауы бізді Қазақстанға қатысты тәуекелдер бойынша өзіміз жүктеп алуға әзірлік танытып отырған қазіргідей рольді қайта қарауға мәжбүрледі",- деп хабарлады Depfa-bank өкілі.
Оның айтуынша, "компания Қазақстандағы операцияларды қайтадан қолға алу үшін аталған проблеманы шешуден мүдделі".
Бұдан бұрын да хабарлағанымыздай, Лондондағы Англияның коммерциялық сотында Алматы қалалық әкімшілігінің "Депфа банкке" 15 млн. доллар көлеміндегі берешегіне қатысты алғашқы тыңдау 29-маусымға белгіленген болатын. ҚР қаржы министрлігіндегілер бұл дерек бойынша арнаулы тексеру жүргізіліп жатқанын хабарлады. Мекеме төрайымы Наталья Коржованың тапсырмасымен тексерулер қорытындысы 2006-жылдың 3-шілдесіне дейін таныстырылуға тиіс.
Аталмыш мәселеге қатысты түсініктеме берген И.Тасмағамбетов Алматы қалалық әкімшілігі Depfa-bankке вексель бойынша 15 млн. доллар көлеміндегі мерзімі өтіп кеткен берешекті өтеуге дайын деп мәлімдеді. "Мәселенің мән-жайы толық анықталған кезде біз бұл қаржыны қайтаратынымыз анық",- деді ол. Оның айтуынша, "вексельді шығаруда Қазақстан заңнамасы бұзылғанын".
Алматы қалалық әкімшілігінің баспасөз қызметінің нақтылауынша, "2003-жылдың 11-желтоқсанында Алматы қаласының әкімі номиналдық құны 1 млн. доллар болып табылатын 15 вексельді жалпы 15 млн. долларға 2005-жылдың 12-желтоқсанында қайтару шартымен шығарған. Қазіргі жағдаймен вексельдерді Depfa-bank иемденеді".
Алматы қалалық әкімшілігі мен Қаржы министрлігі Depfa-bankтің сауалын жауапсыз қалдырды
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.