Алматыда ескі шиналарды қайта өӊдейтін үлкен зауыт алғаш рет іске қосылғалы отыр
Бүгінгі таӊда Алматы мен Алматы облысында жыл сайын 20 мыӊ тоннадан астам тозығы жеткен көлік шиналары жиналып қалады. Зауыт іске қосылғанда ескі шиналардан келетін экологиялық проблемалардыӊ шешімі табылады
Алматы. 4 шілде. Kazakhstan Today - Алматы қаласында алғаш рет тозығы жеткен шиналарды қайта өӊдейтін зауыт іске қосылады. Алматы облысы Қарасай ауданы, Жармұхамбет ауылындағы 573 құрылыс алаӊында бой көтерген кәсіпорынныӊ ресми ашылуы шілде айыныӊ 6-ы күні болады.
"Кәсіпорынныӊ мүмкіндігі жылына 12 мыӊ тонна ескі автошиналарды қайта өӊдеуге жетеді. Зауытта 70-тен астам адам екі ауысымда жұмыс істейтін болады. Зауытты іске қосудыӊ нәтижесінде жыл сайын жол құрылысына кететін қаражат үнемделеді. Өйткені, шинадан алынған резенке қиындылары бұдан былай жол құрылысына пайдаланылады. Соныӊ нәтижесінде жол сапасы жақсарып, оныӊ ұзақ жыл жөндеу көрмей қызмет етуіне мүмкіндік береді. Және де экологияны ластап жатқан шиналар қайта кәдеге жарайды. Балаларға арналған алаӊдар, спорттық жүгіру жолақтары мен тұрмысқа қажетті бұйымдар жасалады",- деп хабарлайды зауыт өкілдері.
"Бүгінгі таӊда Алматы мен Алматы облысында жыл сайын 20 мыӊ тоннадан астам тозығы жеткен көлік шиналары жиналып қалады. Зауыт іске қосылғанда ескі шиналардан келетін экологиялық проблемалардыӊ шешімі табылады",- делінген хабарламада.
Зауыттыӊ ашулына Алматы қаласы әкімдігініӊ жолаушылар көлігі және автомобиль жолдары басқармасы, экология департаменті өкілдері, "ҚазАвтоЖол" АҚ, "Қазақстан жол ғылыми-зерттеу институты" АҚ, "Асфальтобетон 1" ЖШС, Табиғат қорғау прокуратурасы (облыстық, аймақтық), коммуналды шаруашылық қожалық басшылығы және кәсіпкерлер қатысады деп күтілуде.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.