Алматының 1-ЖЭО жөндеу жұмыстарына байланысты тұңғыш рет толық жабылады
Алматының 1-ЖЭО жөндеу жұмыстарына байланысты тұңғыш рет толық жабылады
Алматы. 14 мамыр. "Қазақстан Бүгін" - Алматының 1-ЖЭО жөндеу жұмыстарына байланысты тұңғыш рет 1 маусым мен 15 қыркүйек аралығында толық жабылады. Бұл туралы тілшілерге Алматы қаласының әкімі Ахметжан Есімовтің қалалық 1 және 2 жылу энергетикалық орталықтарына барған кезінде "Алматы электр станциялары" АҚ басқарма төрағасы Бірлік Оразбаев мәлімдеді, деп хабарлайды "Қазақстан Бүгін" агенттігінің тілшісі.
Алматы қаласының әкімі станция жұмысымен және кәсіпорынның жөндеу жұмыстарының барысымен танысты.
Б. Оразбаев хабарлағандай, станцияда 60-жылдары енгізілген құралдар пайдаланылуда. Ол пайдаланылғалы 45 жылдың жүзі болған. Сондықтан, 1-ЖЭО басты проблемасы құралдардың тозуы. Ол қазіргі күнде 70-80 пайызға жеткен. Станцияның жұмыс қабілеттілігін сақтап тұру үшін құралдардың жөндеу жұмыстарына айтарлықтай қаржы салу қажет.
"Сондықтан, жөндеу жұмыстарының көлемінің үлкендігін және алдағы жылу маусымына дайындық сапасын арттыру қажеттігін ескере келе 1 маусым - 15 қыркүйек аралығында 1-ЖЭО толығымен жұмысын тоқтатады. Тұтынушыларды будан ажыратады", - деп хабарлады Б. Оразбаев.
Оның айтуынша, станцияның тоқтап тұрған кезінде қаланың ыстық сумен қамтамасыз етілуі жалғаса береді.
"Алматы электр станциялары" АҚ өкілдерінің хабарлауынша, екінші жылу энергетикалық орталығын бірінші жылу энергетикалық орталығымен жалғастыратын магистраль құрылысы жөндеу жұмыстарының негізгі жобаларының бірі болып табылады. Ол қосымша 400 Гкал жылу алуға мүмкіндік береді. бұл үшін екінші жылу энергетикалық орталығында жылуды қабылдау пунктін салу қажет. Бұл жобаның құны 5,6 млрд теңге. Құырылысты екі жылда аяқтау жоспарланып отыр.
Маңыздылығы жөнінен екінші шара биыл бастап, 2010 жылы аяқтау көзделіп отырған күлтөкпе құрылысы. Дәл сол жылы қолданыстағы күлтөкпе толады. Күлтөкпесіз станция жұмыс істей алмайды. Оның құрылысы 6 млрд теңгені қажет етеді.
Бұл нысанды салу үшін көлемі 14,3 гектар жер бөліну қажет. Икім күлтөкпе салатын жер бөліп беруге дайындық жұмыстарын бастауды тапсырды.
Для строительства этого объекта требуется отвод земельного участка размером
Бірінші жылу энергетикалық орталығы жылу электр энергетикасын өндіретін көне нысандардың бірі. Қазіргі уақытта ол жылудың 40 пайызын, электр энергиясын жалпы тұтыну көлемінің 11 пайызын өндіреді. 1 және 2 ЖЭО оңтүстік астананың негізгі энергетикалық нысандары болып табылады. Олар қала және Алматы облысы бойынша жалпы тұтынудағы жылудың 70 пайызын және электр қуатының 60 пайызын өндіреді.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.