Асқар Мамин: Солтүстік Қазақстан облысын кешенді дамыту жоспары өӊірдіӊ әлеуметтік-экономикалық дамуына зор серпін береді
ҚР Премьер-Министрініӊ бірінші орынбасары Асқар Маминніӊ төрағалығымен Солтүстік Қазақстан облысын дамыту жөніндегі Жұмыс тобыныӊ отырысы өткізілді.
Астана. 30 маусым. Kazakhstan Today - ҚР Премьер-Министрініӊ бірінші орынбасары Асқар Маминніӊ төрағалығымен Солтүстік Қазақстан облысын дамыту жөніндегі Жұмыс тобыныӊ отырысы өткізілді.
А.Мамин Мемлекет басшысы Н.Назарбаевтыӊ Солтүстік Қазақстан облысын одан әрі дамыту жөніндегі тапсырмасын орындаудыӊ маӊыздылығына тоқталды. Соған орай, облысты әлеуметтік-экономикалық дамыту мәселесін жан-жақты талқылап, тиісті шешімдер қабылдау үшін, мемлекеттік органдардыӊ қатысуымен Жұмыс тобы құрылды.
Солтүстік Қазақстан облысыныӊ әкімі Құмар Ақсақаловтыӊ айтуынша, облысты әлеуметтік-экономикалық дамытудыӊ 2018-2021 жылдарға арналған Кешенді жоспары түзілген. Жоспар жобасы инфрақұрылымдық 12 бағытты қамтиды. Оныӊ ішінде әлеуметтік нысандар құрылысы, көлік және инженерлік коммуникацияларды дамыту, агроөнеркәсіп кешенініӊ өӊдеу қуатын көтеру, қорғаныс кешені кәсіпорындарын жаӊғырту көзделеді.
Жалпы алғанда 64 шараны жүзеге асыру қарастырылған. Ол арқылы шамамен 14 мыӊ жаӊа жұмыс орнын ашу жоспарланып отыр. Солтүстік Қазақстан облысын дамытудыӊ кешенді жоспары 300 млрд. теӊгеден астам инвестициялық жобаларды жүзеге асыруды қамтиды.
Жұмыс тобыныӊ отырысы барысында атқарылып жатқан жұмыстар жөнінде ұлттық экономика вице-министрі А.Жұмағұлов, қорғаныс және аэроғарыш өнеркәсібі министрі Б.Атамқұлов және басқа да мемлекеттік органдардыӊ басшылары баяндады.
-"Солтүстік Қазақстан облысын 2018-2021 жылдарға арналған Кешенді дамыту жоспарын жасау - Мемлекет басшысы Н.Назарбаевтыӊ тікелей тапсырмасы.Аталмыш құжатты жүзеге асыру СҚО әлеуметтік-экономикалық дамытуға зор серпін беріп, тұрғындардыӊ өмір сүру сапасын көтереді",-деп атап өтті А. Мамин.
Жұмыс тобыныӊ отырысын қорытындылай келіп,Премьер-Министрдіӊ бірінші орынбасары ұлттық экономика министрлігі мен Солтүстік Қазақстан облысы әкімдігі бірлесе отырып, талқылау нәтижесі бойынша айтылған пікірлерді ескеріп, 2018-2021 жылдарға арналған Кешенді жоспардыӊ жобасын әрі қарай толықтырып, белгіленген тәртіппен Үкімет отырысына шығаруды тапсырды.
Петропавл қаласында А. Мамин облыс орталығындағы халықаралық әуежай мен ұшу алаӊын жаӊғырту жұмыстарымен, Оқушылар сарайы және "Петропавл - Челябинскіге шығу" М-51 автокөлік жолын жаӊғырту жұмысы барысымен танысты.
ҚР Премьер-Министрініӊ бірінші орынбасары "Қазтехмаш" ЖШС кәсіпорнында неміс концерні "CLAAS" негізінде жақында ашылуы жоспарланып отырған ауыл шаруашылығы техникаларын құрастыру зауытында болды.
ҚР Премьер-Министрініӊ баспасөз қызметі
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.