Астанада қазақстандық қамтуға арналған форум басталды
Бүгін Астанада "Ұлттық бренд-2014" республикалық форум-көрмесі өз жұмысын бастады. Жергілік атқарушы орган, тау-кен рудасы компаниялары өкілдері мен отандық тауар өндірушілер тауар, қызмет пен жұмыс күшіндегі жергілікті қамту үлесін арттыру жайын талқылады.
Алматы. 4 шілде. Kazakhstan today. Бүгін Астанада "Ұлттық бренд-2014" республикалық форум-көрмесі өз жұмысын бастады. Жергілік атқарушы орган, тау-кен рудасы компаниялары өкілдері мен отандық тауар өндірушілер тауар, қызмет пен жұмыс күшіндегі жергілікті қамту үлесін арттыру жайын талқылады.
Айта кету керек, бұл мәселе ҮИИД МБ басталуымен күн тәртібіне келтірілген. Мемлекеттің жаңа индустриялды саясатының аясына жергілікті қамтуды дамыту бағдарламасы дайындалды. Өткен уақыт аралығында нормативті-құқықтық база жақсартылып, сатып алу процесінің ашықтығын қамтамасыз ететін ғаламтор ресурсы жаңғыртылды, сонымен қатар отандық өнірушілерді ұзақмерзімді тапсырыспен қамтамасыз ету үшін тиісті жұмыстар жүргізілді.
"Жергілікті қамтуды дамыту мақсатында мемлекет өндірісті қолдау мен жергілікті тауар, жұмыс пен қызметті тұрақты дамытуға жағдай жасауға және оны ішкі нарықта өткізуге бағытталған шараларды қабылдауда. 2013 жылдың қорытындысы бойынша 2014 жылдың басынан бері "Самұрық-Қазына" АҚ үлескер және тәуелді компаниялар жалпы құны 474 млрд теңгелік отандық тауар өндірушілермен ұзақмерзімді келісімшарт құрған", - дейді ҚР ИЖТМ Жергілікті қамту агенттігінің басқарма төрағасы Қайрат Бектұрғанов.
ҚР индустрия және жаңа технологиялар вице-министрі Нұрлан Сауранбаевтың пікірінше, 2010-2013 жылдары мониторинг субъектілерінің жалпы сатып алу көлемі шамамен 31 трлн теңгені құраса, соның ішінде отандық тауар, қызмет және жұмыс тасымалдаушыларға тиесілісі 17 трлн теңге. Жергілікті қамту деңгейі 48,2 %-дан 63,1%-ға артты.
"2012 жылдан бастап тапсырыс берушілер мен қазақстандық өндірушілердің арасындағы диалогтық алаң аясында 100 млрд теңгенің келісімі жасалған", - дейді Н.Сауранбаев.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.