Ауыл шаруашылығы министрлігінің жобасы бойынша сүтті малдың эталондық популяциясы жасалады - баспасөз баяны
"ҚазАгроИнновация" акционерлік қоғамы Еуропадағы ғылыми зерттеулер саласындағы жетекші институт болып табылатын Францияның Ауыл шаруашылығы зертеулері жөніндегі ұлттық институтымен бірлесіп, Қазақстанда сүтті малдың генетикалық әлеуетін арттырудың замануаи технологияларын жасау және бейімдеу жобасын іске асыруда.
Қазақстанда алғаш рет геномдық селекция енгізу жобасы іске асырылуда және осы жобаның аясында сүтті малдың эталондық тұқымын жасау жоспарлануда, деп хабарлады "ҚазАгроИнновация" компаниясының баспасөз қызметінен.
"ҚазАгроИнновация" акционерлік қоғамы Еуропадағы ғылыми зерттеулер саласындағы жетекші институт болып табылатын Францияның Ауыл шаруашылығы зертеулері жөніндегі ұлттық институтымен бірлесіп, Қазақстанда сүтті малдың генетикалық әлеуетін арттырудың замануаи технологияларын жасау және бейімдеу жобасын іске асыруда.
"Осы жобаның аясында сүтті сиырдың эталондық популяциясын жасау жоспарлануда. Бұл жоба сүтті малдың табынын көбейту үшін жақсы малды бұзау кезінен іріктеуге және ірі қара мал тұқымын асылдандыруға мүмкіндік береді", -деп хабарлады Ауыл шаруашылығы министрлігінің баспасөз қызметінен.
Айта кету керек, геномдық селекция әдісі малдың ДНҚ-сы зерттелуге негізделеді. Соның негізінде асыл тұқымды ірі қара іріктеледі. Бұл әдістің ерекшелігі сол, малдың сүттілігін ерте кезде анықтауға болады. Оны үш жылдай бағып, қанша сүт беретіндігін байқап отырудың қажет жоқ. Ірі қараның ДНҚ-сы арқылы асыл тұқымдылар іріктеледі. Соның арқасында сүтті малдың санын арттыруға мүмкіндік бар.
Малдың асыл тұқымдылығы 75 пайызға дәл анықталса, селекцияның тиімділігі бірнеше есеге арта түспек.
Айта кету керек, бүгінде осы саладағы жұмысты "ҚазАгроИнновация" АҚ-ға қарасты Мал шаруашылығы мен ветеринария ғылыми-инновациялық орталығының мамандары бастап, жергілікті жерге бейімделген 8-10 мың бас голштин тұқымды ірі қара малдың деректер базасы әзірленіп жатыр. Ол үшін Францияның Ауыл шаруашылығын зертеу жөніндегі ұлттық институтында 1 мың ДНҚ сараланатын болады.
Мал басын геномдық бағалау әдісі 2010 жылдан бері Франция, АҚШ, Канада, Германия, Австрия елдерінде сәтті қолданылып келеді. Аталған елдердің мамандары бұл әдістің экономикалық тиімділігін қуаттап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.