АСТАНА. 3-сәуір. Kazakhstan Today. Ауылшаруашылығы министрлігі бекіре тұқымдас балық түрлерінің уылдырығын сату мен өндіруге мемлекеттік монополия енгізуді ұсынады, деп хабарлайды Kazakhstan Today тілшісі.
"Заң бұзушылықтармен күрестегі бір маңызды мәселе - бекіре тұқымдас балық түрлерінің уылдырығын ішкі нарықта көтерме саудада сату, өндіру мен экспорттауға мемлекеттік монополия енгізу болып табылады",- деді бүгін үкіметте өткен отырыста ҚР ауылшаруашылығы министрі Ахметжан Есімов. "Мемлекет басшысының тапсырмасына сәйкес министрлік осы жөнінде ұсыныс енгізді. Біз мемлекеттік мүлік комитетінен тиісті түпкілікті шешімді күтіп отырмыз. Осыдан кейін мемлекеттік монополия функцияларын енгізуге кірісеміз",- деді ол.
Ішкі істер министрлігі өз тарапынан бекіре тұқымдас балық түрлерінен жасалатын өнімдерді еркін сатуға шектеу қоюды ұсынды. "Уәкілетті мемлекеттік мекемелер тарапынан осы мәселеге қатысты бақылауды барлық жерлерде бірдей күшейткен жөн. Бекіре тұқымдас балық өнімдерін еркін сатуға шектеу қойып, оны тек арнаулы сауда орындарында сатуға рұқсат беріп, бекіре тұқымдас балықтар мен уылдырықты базарларда сатуға тыйым салу керек",- деді ҚР ІІМ Бауыржан Мұхамеджанов.
"Қарап отырсаңыз тосын жағдай қалыптастқан: бір жағынан біз браконьерлікпен күресіп жатамыз, ал екінші жағынан базарларда Қазақстанның қолданыстағы заңдарын бұза отырып, бекіре тұқымдас балықтар мен уылдырық арнаулы таңбалаусыз сатылып жатады",- деді ол.
ІІМ-нің мәліметіне сәйкес, былтыр балықты заңсыз аулау, балық өнімдерін заңсыз сатып алу және сату деректері бойынша 313 қылмыстық іс қозғалған. Балық аулау ережелерін бұзғаны үшін 1,5 мың адам әкімшілік жауапкершілікке тартылған. 230 тоннадан астам балық, соның ішінде 10 тоннадан астам бекіре тұқымдас балық пен ірі көлемдегі уылдырық заңсыз айналымнан шығарылды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Ауылшаруашылығы министрлігі бекіре тұқымдас балық түрлерінің уылдырығын сату мен өндіруге мемлекеттік монополия енгізуді ұсынады
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.