Қазгеология Қарағандыда геохимиялық зертхананы іске қосты
"Ұлт жоспары - 100 нақты қадам" 75-қадамын орындаудың, "Қазгеология" АҚ-тың 2016-2025 жылдарға арналған Даму стратегиясын іске асырудың шеңберінде Қарағанды қаласында геохимиялық зертхана жұмысын бастады.
Алматы. 9 сәуір. Kazakhstan Today - Қазгеология Қарағандыда геохимиялық зертхананы іске қосты.
"Ұлт жоспары - 100 нақты қадам" 75-қадамын орындаудың, "Қазгеология" АҚ-тың 2016-2025 жылдарға арналған Даму стратегиясын іске асырудың шеңберінде Қарағанды қаласында геохимиялық зертхана жұмысын бастады.
Жоба әлемдегі геохимиялық зертханалық жұмыстар ісету бойынша қызмет көрсететін, оның ішінде техникалық қызмет көрсету саласындағы жетекші компаниялардың бірі - АLS компаниясымен бірлесіп іске асырылуда.
"Қазгеология" АҚ-тың геохимиялық зертхана құрудағы негізгі міндеттерінің бірі - ықтимал инвесторлардың геологиялық сынамалардың сандық әрі сапалық сипаттамалары туралы халықаралық деңгейде танылатын деректерді жедел алуына мүмкіндік жасайтын Қазақстанның минералдық базасын жасау. Бұдан бұрын шетелдік зертханаларға сынамалар жіберілетін, бұл қаншама уақыт пен қаржы реурстарының ысырабына әкеп соқты. Ал, енді құрылған зертхана әлемдік стандарттарға сай барлық қажетті сынамаларды Қазақстанда жүргізуге мүмкіндік береді.
Зертхана озық технологияларды пайдаланып, нәтижелерін халықаралық қаржы институттары танитын, халықаралық стандарттарға сай әрі әлем таныған 20-дан астам зерттеу әдісі пайдаланылатын геохимиялық зерттеулерді сапалы жүргізуге мүмкіндік береді.
Зертхананың жалпы алаңы 2 мың ш.метрден астам, штат саны ұдайы оқудан өтетін, біліктілігі жоғары 40 маманнан, әлемдегі ең үздік өндірушілердің ең жақсы жабдықтарынан тұрады. Зертхана жабдықтарының кешені биылғы жылы өнімділігі тәулігіне 1200 сынама құрайтын 30 элементтен астамын анықтауға мүмкіндік жасайтын болады.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.