"Болашақ" зауытының қуаттылығы жыл сайын 22,5 млн тонна мұнай мен 6 млрд текше метр газды қайта өңдеуге мүмкіндік береді
ҚР премьер-министр Серік Ахметов Атырау облысына барған жұмыс сапары барысында Қашаған жобасының тағы бір нысаны "Аджип ККО" компаниясының "Болашақ" зауытының құрылысын да аралап көрді.
Астана. 22-қараша. Kazakhstan Today - "Болашақ" зауытының қуаттылығы жыл сайын 22,5 млн тонна мұнай мен 6 млрд текше метр газды қайта өңдеуге мүмкіндік береді, деп хабарлайды Kazakhstan Today агенттігінің тілшісі.
ҚР премьер-министр Серік Ахметов Атырау облысына барған жұмыс сапары барысында Қашаған жобасының тағы бір нысаны "Аджип ККО" компаниясының "Болашақ" зауытының құрылысын да аралап көрді.
Зауытта "Болашақ" зауытын іске қосу жөніндегі басшысы Илібек Тасимов Үкімет басшысына зауыттың орталық басқару жүйесіндегі қызметімен таныстырып, мұнай мен газды кешенді тасымалдау жұмыстарына әзірліктің технологиялық дайындығы жөнінде
баян етті. Қашағанды тәжірибелік-өнеркәсіптік игеру барысында мұнайды сақтау және экспорттау жүзеге асырылатын болады. "Болашақ" зауытының қуаттылығы жыл сайын 22,5 млн тонна мұнай мен 6 млрд текше метр газды қайта өңдеуге мүмкіндік береді деп күтілуде.
Сайып келгенде, Қашаған жобасының жүзеге асуы еліміздің мұнай өндіруші әлем елдері арасында көш бастап тұруымызға мүмкіндік береді және ел экономикасының қарышты дамуына сүбелі үлесін қосатын болады.
Мұнайлы елдегі жуырда пайдалануға берілуі күтіліп отырған ірі жобалар мен өндіріс орындарын аралаған Үкімет басшысы Серік Ахметовтың Атыраудағы жұмыс сапары отандық өнім өндіруші "Шеврон Мұнай ГазИнк" зауытының жұмысын көрумен аяқталды.
Облыста 2003 жылдан бері іске қосылып, жыл сайын өндіріс қуатын арттырып отырған "Шеврон МұнайГаз Инк" зауыты. Индустрияландыру картасы бойынша жүзеге асқан - полиэтилен құбырларын шығаратын "Шеврон МұнайГаз Инк" зауытында Үкімет басшысы зауыттың өндірістік цехтарын аралап, шығарылып жатқан өнім түрлерін көрді.
Зауыт жылына сумен жабдықтауға және кәріздік жүйелерге пайдаланылатын диаметрі 25 мм-ден 1200 мм-ге дейінгі 15 мың тоннадан астам полиэтилен құбырларын шығарады. Зауыт өнімдерінің барлығы халықаралық сертификатқа ие және әлемдік стандарттарға сай келеді. Бүгінде отандық тауар Атырау облысы мен өзге өңірлерге де өнімін шығарумен айналысып келеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.