ЕАЭО елдеріне экспорт номенклатурасы 491-ден 770 тауарға дейін кеңейген
Осы өңірде негізгі сауда әріптес - Өзбекстан, тауар бөлігіндегі оның үлесі 60,3 % (2,8 млрд.АҚШ долл.), қызметтер бөлігіндегі үлесі 50,5 % (889,2 млн.АҚШ долл.) құрды.
Алматы. 5 ақпан. Kazakhstan Today - 2020 жылғы 4 ақпанда Қазақстан Республикасы Сауда және интеграция министрлігінің бірінші алқасы өтті.
Министр Бақыт Сұлтанов 2019 жылғы жұмыстың қорытындылары және 2020 жылға арналған жоспарлар туралы баяндама жасады.
Әлемдік сауданың өзгерген және әлемнің ірі экономикалары арасында протекционистік шаралардың күшейген жағдайында сыртқы сауда саясатын жетілдіру қажеттілігі артады.
Халықаралық сауданың негізгі трендінің бірі - өңірлендіру. Ол көрші елдермен өзара тығыз қатынастар құрумен, жаңа өнімді нарыққа шығару жылдамдығын арттырумен және тұтынушыларға барынша жақын болумен байланысты.
Сондықтан Министрлік бүгінгі қатерлерді ескере отырып, өңірлік интеграцияны кеңейту арқылы сауда саясатын жаңғыртуға шоғырланып отыр.
Министр Сұлтанов мәлімдегендей, 2009 жылдан бастап Қазақстанның теңгедегі КО шегінде - 91% және ЕАЭО аясында - 84% тауар айналымының өсімі байқалады. Сонымен қатар қазақстандық өнімнің экспорты да өсуде: шикізат тауарлар бойынша ол 60 %-ға, ал өңделген тауарлар бойынша - 118 %-ға өскен. ЕАЭО құрылғаннан кейін көрсеткіш деректері тағы да 60 % және 112 % тиісінше ұлғайған (2-слайд).
ЕАЭО елдеріне экспорт номенклатурасы 491-ден 770 тауарға дейін кеңейген (СЭҚ ТН 4 белгіге). Қаралып отырған кезең (2009-2018 ж.ж.) ішінде сауда өсімінің орташа қарқыны 16% құрады.
ЕАЭО құрылған сәттен бері қызметтердің сауда көлемі теңгеде 69 % өсті. ЕАЭО елдерімен қызметтер саудасының номенклатурасы орташа 55,5 % кеңейді.
- ЕАЭО елдері арасында өңірлік сауданы кеңейту шешімдерінің бірі ретінде біз Орталық Азия елдерімен интеграцияны көреміз, - деді Министр. - Бұл 70 млн-нан астам халқы бар серпінді өңір. Соңғы үш жыл ішінде өңір экономикалары өсімінің қарқыны орташа 4,5 % құрды.
Осы өңірде негізгі сауда әріптес - Өзбекстан, тауар бөлігіндегі оның үлесі 60,3 % (2,8 млрд.АҚШ долл.), қызметтер бөлігіндегі үлесі 50,5 % (889,2 млн.АҚШ долл.) құрды. Тек өнеркәсіп тауарлары бойынша ғана экспорт өсімі әлеуеті 182,4 млн.АҚШ долл., АӨК бойынша - 69,7 млн.АҚШ долл. құрады.
Қазақстан, Өзбекстан және Қырғызстан Үкіметтерінің мемлекеттік шекарада өткізу пункттерін қайта жарақтандыру және реконструкциялау бойынша жоспарларын ескеріп, өңіраралық сауда дамитын болады.
- "Қорғас" ШЫХО баламасы ретінде Өзбекстанмен сауда-экономикалық ынтымақтастықтың халықаралық орталығын құруды үдететін боламыз, - деп хабарлады Бақыт Сұлтанов.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.