Еліміздің екінші деңгейлі банктері құны 117,9 млрд. теңге көлеміндегі 52 нысанды қаржыландыруға әзір екенін білдірді
Еліміздің екінші деңгейлі банктері құны 117,9 млрд. теңге көлеміндегі 52 нысанды қаржыландыруға әзір екенін білдірді
Астана. 16 қаңтар. "Қазақстан Бүгін" - Еліміздің екінші деңгейлі банктері құны 117,9 млрд. теңге көлеміндегі 52 нысанды қаржыландыруға әзір екенін білдірді, деп хабарладйы үкіметтің баспасөз қызметі.
Баспасөз қызметінің ақпаратына сәйкес, бүгін үкімет үйінде Қазақстан Республикасының премьер-министрі Кәрім Мәсімовтің төрағалығымен Қазақстан Республикасында экономиканы жаңғырту мәселелері жөніндегі мемлекеттік комиссияның отырысы өтті.
Мемлекеттік комиссия мүшелері Қазақстан Республикасын экономикалық дамытудың тұрақтылығын қамтамасыз ету жөніндегі бірінші кезектегі іс-қимыл жоспары аясында қаржыландыру жобаларының мәселесін талқылады.
Астана қаласында салынып жатқан нысандарды қаржыландыруды аяқтау, шағын және орта бизнес кәсіпорындарына мемлекеттік қолдау көрсету, сондай-ақ басым инвестициялық жобаларды қайта қаржыландыру жөнінде жүргізіліп жатқан жұмыстар туралы "Қазына ТДҚ" АҚ басқарма төрағасы Қайрат Келімбетов баяндады.
Астана қаласындағы 112 нысанның құрылысын қаржыландыру үшін 216,9 млрд. теңге қажет етілуде. Қазіргі кезде екінші деңгейлі банктер (ЕДБ) құны 117,9 млрд. теңге көлеміндегі 52 нысанды қаржыландыруға әзір екенін білдірді.
2007 жылы бұл мақсатқа республикалық бюджет қаражатынан 48,8 млрд. теңге (400 млн. АҚШ доллары), 2008 жылы қосымша қаражат бөлуді көздей отырып, бөлінді.
Сонымен қатар, "Қазақстанның ипотекалық компаниясы" акционерлік қоғамы 112 нысан құрылысын қосымша қорландаруды қамтамасыз ету үшін әріптес-банктердің ипотекалық кредиттеу жөніндегі сатып алу құқығын талап етуді жүзеге асыратын болады.
Астана қаласы пилоттық жоба ретінде таңдалып алынды, қазіргі кезде Астана қаласындағы және өзге де өңірлердегі аяқталмаған құрылыс нысандарын қаржыландыру жөніндегі мәселелер шешімін табуда. Сондай-ақ, Алматы қаласының әкімдігі тарапынан аяқталмаған нысандардың тізімін анықтау, олар туралы және олардың біліктілігі жайлы ақпараттар жинақтау жөнінде жұмыстар жүргізілуде.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.