АЛМАТЫ. 19-маусым. Kazakhstan Today. Еліміздің халықаралық резервтері 2007-жылғы маусымның бірінші жартысында 0,81% ұлғайды. Бұл туралы Ұлттық банктің баспасөз қызметі хабарлады.
Қазақстан Республикасы Ұлттық банкінің халықаралық резервтері (Ұлттық қордың ақшасын қоспағанда) және ақша базасы 2007 жылғы 15 маусымда мынадай болды:
халықаралық таза резервтер ағымдағы бағалармен 21 427,8 млн. доллар,
Еркін айналмалы валютадағы таза активтер ағымдағы бағалармен 19 966,2 млн. доллар, алтын ағымдағы бағалармен 1 461,6 млн. доллар.
2007 жылғы маусым айының бірінші жартысында Ұлттық банктің халықаралық резервтерінің төмендеуі болды.
Ұлттық банктің ағымдағы бағалардағы таза халықаралық резервтері 1,50 % (немесе 327,4 млн. долл.) төмендеді.
Қаржы министрлігінің сыртқы борышына қызмет көрсету, Ұлттық қордың активтерін толықтыру бойынша операцияларды жүргізу және екінші деңгейдегі банктердің Ұлттық банктегі шетел валютасындағы корреспонденттік шоттарындағы қалдықтардың төмендеуі үкіметтің шоттарына валютаның түсуіне және ішкі валюта нарығында валюталарды сатып алуға қарамастан таза валюталық қорлардың төмендеуіне алып келді.
Нәтижесінде таза валюталық қорлар (ЕАВ) 314,1 млн. доллар, алтынның әлемдік нарықтардағы бағасының 0,89 % төмендеуі нәтижесінде алтындағы активтер 13,3 млн. долларға төмендеді.
Ұлттық банктің тұрақты бағалардағы таза халықаралық резервтері 1,45 %, еркін айналмалы валютадағы таза активтер 1,55 %, алтындағы активтер шамалы 0,01 % төмендеді.
Ұлттық қордың ақшасын (алдын ала деректер бойынша 17 467,0 млн. долл.) қоса алғанда елдің халықаралық резервтері (ағымдағы бағалардағы) тұтастай алғанда 0,81% ұлғайды және 38 903,9 млн. долларды құрады.
Ұлттық банктің ішкі таза активтерінің 2007 жылғы маусым айының бірінші жартысында өсуі (Ұлттық банктің айналыстағы қысқа мерзімді ноталары көлемінің төмендеуі) ақша базасының 2,22% (немесе 35,6 млрд. теңге) кеңеюіне себепші болды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Еліміздің халықаралық резервтері 2007-жылғы маусымның бірінші жартысында 0,81% ұлғайды
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.