Энергетика министрлігі электр қуатының тарифтері өседі деген болжам айтады
Энергетика министрлігі электр қуатының тарифтері өседі деген болжам айтады.
"ҚАЗАҚСТАН БҮГІН". 7 қыркүйек. АСТАНА. Қазақстанның энергетика және минералды ресурстар министрлігі электр қуатының тарифтері өседі деген болжам айтады, деп хабарлайды агенттік тілшісі.
"Баға өседі, бірақ, бұл энергетикалық нысандарды салу және модернизациялау қажеттігіне, электр қуатын өндіру саласына жұмсалатын инвестицияларды ынталандыруға байланысты өсім", - делінген жұма күні мекеменің баспасөз қызметі таратқан баспасөз баянында.
Мәтінде атап көрсетілгеніндей, министрлік мүдделі мемлекеттік мекемелермен және ""Самұрық" Холдингі" АҚ-мен бірлесіп электр қуатын өндіру саласын дамыту жөніндегі 2007-2015-жылдарға арналған шаралардың жоспары мен 2015-жылға дейінгі болжамдық жоба - электр қуатын өндіру және тұтыну, Қазақстанның біртұтас электр энергетикалық жүйесін тұтас республика бойынша және жекелеген облыстар бойынша дамыту балансын жасаған. "Министрлік электр қуаты мен қуаттылықтың болжамдық балансында ел экономикасы мен халқының электрді тұтыну мөлшерінің қазіргіден де жоғары қарқынды өсімін ескерген, соның ішінде серпінді жобаларды жүзеге асыру жайы да ескерілген", - делінген мәтінде.
Сонымен бірге құжатта атап көрсетілгеніндей, министрлік 2007-20105-жылдары салынатын жаңа энергетикалық нысандардың, реконструкциялануға, модернизациялануға және аясы кеңейтілуге тиіс электр энергетикасы нысандарының тізімі жасалып бекітілген.
Атап айтсақ, Екібастұз 1-ші ГРЭС-індегі жұмыс істемей тұрған үш энергетикалық блоктарды қалпына келтіру; Екібастұздағы 2-ші ГРЭС-те әрқайсысының қуаты 500 МВт болатын екі энергоблокпен кеңейту; Ақсу ГРЭС-інде қуаты 300 МВт-тық энергоблоктарды кезеңмен реконструкциялауды аяқтау; Қарағанды, Оңтүстік Қазақстан, Жамбыл, Қызылорда , Шығыс Қазақстан , Павлодар, Алматы облыстарында, Астана және Алматы қалаларында қазіргі барларын кеңейту және жаңа жылу электр орталықтарын салу және модернизациялау; сондай-ақ, Қазақстанның батыс бөлігінде бірнеше газқұбырлы электр станцияларын, ірі Су электр станцияларын, еліміздің оңтүстігі мен шығысында шағын СЭС-ның каскадын салу межеленген.
Хабарламада сондай-ақ атап көрсетілгеніндей, "Оңтүстік-солтүстік" транзитінің екінші желісін және "Солтүстік Қазақстан- Ақтөбе облысы" аймақаралық электр жалғастыру желісін тартып бітіру, ұлттық электр желілерін модернизациялау жобаларын аяқтау қарастырылған.
"Жоспарланған шараларды жүзеге асыру ауқымды қаржы тартуды және тарифті көтеру есебінен қаржы тартуды талап етеді", - делінген баспасөз баянында.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.