ӨСКЕМЕН. 15-маусым. Kazakhstan Today. Еуропалық қайта құру және даму банкінің басшысы Жан Лемьер Қазақстанның 30 корпоративтік көшбасшыны құру туралы бастамасын қолдайды. Бұл туралы ол бүгін президенттің жанындағы шетелдік инвесторлар кеңесінің 17-ші отырысының аяқталуына орай өткізілген баспасөз мәслихатында мәлімдеді, деп хабарлайды Kazakhstan Today тілшісі.
"Еуропалық қайта құру және даму банкі бұл бағытты қолдайды, Қазақстан ойдағыдай дамып келеді және біз 30 корпоративтік көшбасшыны құру туралы бастаманы қолдаймыз. Бұл өте маңызды",- деді Ж.Лемьер. Осы орайда ол "келешектің кемелді болғаны үшін елде әлі де көп іс тындыру керек", деді.
Ж.Лемьердің пікірінше, мемлекет басшысының төрағалық етуімен өткен Кеңестің 17-ші отырысы барысында барлық мәселелер ашық талқыланып, шетелдік инвесторлар түгелімен республиканың транспорттық стратегиясына қолдау білдірді. "Қазақстан келешекте әлемдік экономикаға кірігуге тиіс, ел Орталық Азиядағы шешуші ойыншыға айналып, өз өңірлерін дамытуға, елге және жалпы аймаққа жұмыс орындарын беруге тиіс. Бұл мақсатқа қол жеткізу үшін транспорт саласын дамыту қажет",- деді ол.
"Темір жолға, автокөлік жолдары мен құбырларға қатысты барлық мәселелерді шешуде Қазақстан ұстанып отырған прагматикалық көзқарасты шетелдік инвесторлар мақұлдайды",- деп қосты Ж.Лемьер. "Тауар мен жолаушылар тасымалын ұлғайту қуатын арттыру шешуші болып табылады. Бірақ бұл қадамның адамдарға қауіпсіздік төндірмей жасалуға тиіс екендігі жөніндегі Н.Назарбаевтың пікіріне баршамыз қосыламыз",- деді банк басшысы.
Ж.Лемьер сонымен бірге "бюдджеттің, мемлекеттің қаражатын пайдалана отырып қаржыландыруды қалай қамтамасыз ету қажеттігіне қатысты техникалық талқылау ұзаққа созылғанын" атап өтті. "Осы тұрғыдан Еуропалық қайта құру және даму банкі "Самұрық" және "Қазына" атты екі жаңа холдингтік компанияның құрылуын қолдады, бұл осы тектес даму жобаларын қаржыландырудың тиімді құралы әрі осы тектес мақсат-міндеттерді шешуге деген мейлінше егжей-тегжейлі көзқарас",- деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Еуропалық қайта құру және даму банкінің басшысы 30 корпоративтік көшбасшыны құру туралы бастаманы қолдайды
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.