17.02.2026, 13:22 69046

Кәсіпорындарға жүргізілген мониторинг: дайын өнім, шикізат пен материалдар бағасының өсу қарқыны бәсеңдеді

Кәсіпорындарға жүргізілген мониторинг нәтижесі бойынша 2025 жылғы IV тоқсанда дайын өнім, шикізат пен материалдар бағасының өсу қарқыны бәсеңдеді, деп хабарлайды ҚР Ұлттық банкінің баспасөз қызметінен.

Кәсіпорындарда өнім бағасының динамикасын өлшейтін диффузиялық индекс (ДИ) 59,3 болды (2025 жылғы ІІІ тоқсанда - 59,7). Кәсіпорындар 2026 жылғы І тоқсанда дайын өнім бағасының өсу қарқыны жеделдеп, шикізат пен материалдар бағасының өсу қарқыны аздап бәсеңдейді деп күтеді.

Кәсіпорындардың басым бөлігі үшін дайын өнімнің бағасын белгілеуде шикізат пен материал бағасы және сұраныс - ең маңызды фактор. Дегенмен, шикізат пен материал бағасының өсу қарқыны бәсеңдеген, ДИ - 71,6 (2025 жылғы ІІІ тоқсанда - 73,5).

Кәсіпорындардың дайын өніміне сұраныс жақсарды, ДИ 51,0 болды. 2026 жылғы І тоқсанда нақты сектордағы кәсіпорындардың күтулері бойынша сұранысқа қатысты жағдай жақсарады.

Жалпы экономикада сату көрсеткішінің орташа рентабельділігі (пайызды, салықты және амортизацияны төлеу шығынын шегергенге дейін) 24,1%-ға (25,5%) дейін төмендеп, бұрынғы орташа нормадан (23,2%) жоғары қалыптасты.

IV тоқсанда сауалнамаға 3 482 кәсіпорын қатысты.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

12.06.2026, 17:15 8936

Астанада канадалық компаниялар тау-кен металлургиясы саласындағы инвестициялық мүмкіндіктерді бағалады

Сурет: gov.kz

AMM-2026 халықаралық металлургтер конгресі шеңберінде ҚР Сыртқы істер министрлігінің қолдауымен "From Rockies to Steppes: Canadian Mining Companies on Kazakhstan's Potential" ("Тау жоталарынан даланы дейін: канадалық тау-кен компаниялары Қазақстанның әлеуеті туралы") атты панельдік сессия өтті. Іс-шараға жетекші канадалық тау-кен компаниялары қатысты, деп хабарлайды Қазақстан Республикасы Сыртқы істер министрлігінің баспасөз қызметінен.

Мероприятиенің басты мақсаты - канадалық және халықаралық іскер серіктестердің кең ауқымы үшін Қазақстанның ТМК саласындағы инвестициялық мүмкіндіктерін жылжыту, сондай-ақ салаға шетелдік инвестицияларды тарту болды.

Сессияның спикерлері - ҚР Сыртқы істер министрінің орынбасары Әлібек Қуантыров, сондай-ақ B2Gold, Teck Resources, First Quantum Minerals және Arras Minerals компанияларының өкілдері. Ә.Қуантыров өз сөзінде Қазақстанның тау-металлургия секторындағы инвестициялық мүмкіндіктерін таныстырды: іскерлік климатты жақсартуға, инвесторларды қолдауға және минералдық-шикізат кешенін дамытуға бағытталған мемлекеттік саясат егжей-тегжейлі баяндалды. Сондай-ақ ол халықаралық серіктестерді Қазақстандағы геологиялық барлау мен пайдалы қазбаларды өндіру бойынша жаңа жобаларды іске асыруға шақырды.

Канадалық қатысушылар Қазақстанда бизнес жүргізу жағдайларын жоғары бағалады: мемлекеттік органдармен конструктивті өзара іс-қимыл, рәсімдердің ашықтығы және инвестициялық климатты жақсарту бойынша жүйелі жұмыс атап өтілді. Талқылау барысында тараптар шетелдік инвестицияларды тарту, заманауи технологияларды енгізу және халықаралық серіктестермен ынтымақтастықты кеңейту мәселелерін қоса алғанда, Қазақстанның тау-металлургия кешенін одан әрі дамыту перспективаларын талқылады.

Іс-шара екіжақты салалық диалогтың маңызды оқиғасына айналды және канадалық бизнестің Қазақстан нарығындағы қатысуын кеңейтуге деген жоғары мүддесін, сондай-ақ тараптардың тау-кен секторындағы ұзақмерзімді серіктестікке өзара ұмтылысын растады.

10.06.2026, 17:25 39451

Астанада аса маңызды минералдар саласына қатысты C5+1 диалогы өтті

Сурет: gov.kz

Елордада Қазақстан Республикасы Өнеркәсіп және құрылыс министрі Ерсайын Нағаспаев пен АҚШ Президентінің Оңтүстік және Орталық Азия бойынша арнайы өкілі Серджио Гордың тең төрағалығымен аса маңызды минералдар мәселелері бойынша C5+1 диалогы өтті. Іс-шара Astana Mining & Metallurgy (AMM-2026) XVI халықаралық тау-кен металлургиясы конгресі қарсаңында ұйымдастырылды, деп хабарлайды Қазақстан Республикасы Өнеркәсіп және құрылыс министрлігі.

Диалогқа Қырғызстан, Тәжікстан, Түрікменстан және Өзбекстан үкіметтерінің мүшелері қатысты. Кездесу барысында Орталық Азия мемлекеттері мен АҚШ арасындағы геологиялық барлау, пайдалы қазбаларды өндіру және өңдеу, сондай-ақ аса маңызды минералдарды әлемдік нарыққа жеткізу ісіндегі ынтымақтастықтың басым бағыттары талқыланды.

Қазақстан Республикасының Президенті Қасым-Жомарт Кемелұлы Тоқаев C5+1 платформасының Орталық Азия мен Америка Құрама Штаттары арасындағы өзара іс-қимылдың жаңа форматы ретіндегі маңызды рөлін ерекше атап көрсетеді. Аса маңызды минералдар мәселелері бойынша C5+1 диалогы стратегиялық шикізатпен тұрақты қамтамасыз ету, технологиялық ынтымақтастықты дамыту және жаһандық жеткізудің сенімді тізбектерін қалыптастыру бағытындағы әріптестікті тереңдетуге арналған. Әлемде аса маңызды минералдарға сұраныс артып отырған жағдайда бұл бағыттардың маңызы ерекше", - деді Ерсайын Нағаспаев.

Министр Қазақстан үшін аса маңызды минералдар секторы өнеркәсіптік саясат пен ұзақ мерзімді экономикалық дамудың басым бағыттарының бірі екенін атап өтті. Бүгінде еліміздің минералдық-шикізат базасында 9,5 мыңнан астам кен орны бар, олардың 100-ден астамында сирек және жерде сирек кездесетін металдар қоры шоғырланған. Цифрландыру және халықаралық стандарттарды енгізу бағытында қабылданған шаралар салаға бағытталған инвестициялар көлемінің едәуір артуына мүмкіндік берді. Нәтижесінде елге әлемнің жетекші компаниялары келді, олардың ішінде Rio Tinto, Barrick Gold, First Quantum, Ivanhoe, Teck, Fortescue, Cove Capital және басқалар бар.

Кездесуге қатысушылар C5+1 форматындағы ұзақ мерзімді ынтымақтастықтың негізгі бағыттарын айқындады. Олардың қатарында қайта өңдеу саласындағы жоғары технологиялық өндірістерді дамыту, индустриялық кластерлер құру, технологиялар трансфері, кадрлар даярлау, ғылыми-техникалық кооперацияны кеңейту және басқа да бастамалар бар. Сондай-ақ өнімді әлемдік нарыққа тұрақты түрде жеткізуді қамтамасыз ету үшін логистика саласындағы өзара іс-қимыл мәселелеріне назар аударылды.

Кездесу қорытындысы бойынша барлық тарап көпжақты ынтымақтастықты дамытуға және бірлескен индустриялық әрі инфрақұрылымдық жобаларды іске асыруға мүдделі екендерін растады.

10.06.2026, 13:40 40431

Қазақстан АҚШ компанияларын сирек металдарды өндіруге қатысуға шақырды

Қазақстан Америка Құрама Штаттарының компанияларын сирек металдарды геологиялық барлау және өндіру жұмыстарына қатысуға шақырады. Бұл туралы ҚР Өнеркәсіп және құрылыс министрі Ерсайын Нағаспаев C5+1 сыни маңызды минералдар жөніндегі диалог отырысында мәлімдеді.

Еліміздің ресурстық базасында 9,5 мыңнан астам кен орны бар, олардың 100-ден астамында сирек және сирек жер металдары кездеседі. Біз америкалық компанияларды оларды геологиялық барлау мен өндіруге белсенді қатысуға шақырамыз", - деп Ерсайын Нағаспаевтың сөзін inform.kz келтіреді.

Министрдің айтуынша, бұл үшін Қазақстанда заманауи реттеуші орта қалыптастырылған. Атап айтқанда, 2018 жылы Австралия мен Канада тәжірибесі негізінде салалық заңнаманы реформалаған "Жер қойнауы және жер қойнауын пайдалану туралы" кодекс қабылданды. Сондай-ақ "бірінші келген - бірінші алады" лицензиялау қағидаты енгізіліп, жер қойнауын пайдалануға қолжетімділік жеңілдетілді.

Бұдан бөлек, 2023 жылы жер қойнауын пайдаланудың бірыңғай платформасы іске қосылды. Соның нәтижесінде лицензиялаудан бастап есептілікке дейінгі барлық үдерістер онлайн форматқа көшірілді. 2024 жылдан бастап Қазақстан CRIRSCO халықаралық стандарттарын толық көлемде қолдана бастады, бұл есептіліктің ашықтығын қамтамасыз етіп, оны әлемдік тәжірибемен салыстыруға мүмкіндік береді.

Министрдің сөзінше, қабылданған шаралардың нәтижесінде инвесторлардың қызығушылығы бірнеше есе артқан.

2018 жылдан бері геологиялық барлауға салынған инвестициялар үш есеге өсіп, 1 миллиард доллардан асты. Қазақстанға Rio Tinto, Barrick Gold, First Quantum, Ivanhoe, Teck, Fortescue және Cove Capital секілді әлемдік жетекші компаниялар келді", - деді Ерсайын Нағаспаев.

09.06.2026, 18:11 53046

Қазақстанға тартылған шетелдік инвестиция көлемі 20,5 млрд долларға жетті

Сурет: Depositphotos

2026 жылдың алғашқы төрт айының қорытындысы бойынша Қазақстанда негізгі капиталға салынған инвестициялар 6,7%-ға өсіп, 4,9 трлн теңгеге жетті. Бұл көрсеткіш экономиканың өсу қарқынынан жоғары. Бұл туралы ОКҚ алаңында өткен брифингте Ұлттық экономика вице-министрі Арман Қасенов мәлімдеді.

Оның айтуынша, 2025 жылы тікелей шетелдік инвестициялардың жалпы ағыны 20,5 млрд долларды құрап, алдыңғы жылмен салыстырғанда 14,4%-ға артқан.

Арман Қасенов ел экономикасы мен инвестициялар құрылымының айтарлықтай өзгергенін атап өтті.

«Бүгінде Қазақстан экономикасы 10-15 жыл бұрынғыға қарағанда анағұрлым әртараптандырылған. Мәселен, 2010 жылы мұнай өндіру саласының ЖІӨ құрылымындағы үлесі 16,5% болса, 2024 жылдың қорытындысы бойынша бұл көрсеткіш 8,1%-ға дейін төмендеді. Тікелей шетелдік инвестициялар да осы үрдісті қайталап отыр: әртараптандыру инвесторлар тарапынан да байқалады. Олар енді тек өндіру өнеркәсібіне, металлургияға немесе мұнай-газ секторына ғана емес, басқа да салаларға белсенді қызығушылық таныта бастады», – деді ол.

Өткен жылы шетелдік инвестицияларды ең көп тартқан салалар:

көтерме және бөлшек сауда – 4,8 млрд доллар;
өңдеу өнеркәсібі – 4,4 млрд доллар;
қаржы және сақтандыру қызметі – 4,3 млрд доллар;
ақпарат және байланыс саласы – 1,4 млрд доллар;
көлік және қоймалау қызметі – 977 млн доллар.

Қазақстанға инвестиция салатын негізгі елдер қатарында Нидерланд, Ресей және Қытай қалып отыр.

09.06.2026, 17:15 53346

Энергетикалық жүйені жаңғырту және таза энергетика: Қазақстан мен Корея қандай келісімдерге келді

Қазақстанның Энергетика министрі Ерлан Ақкенженов Оңтүстік Кореяның Сауда, өнеркәсіп және энергетика министрі Ким Чжон Кванмен кездесу өткізді.

Тараптар энергетика саласындағы қазіргі ынтымақтастық пен бірлескен жұмыстың келешегін талқылады. Инвестициялық жобаларды іске асыруға және электр энергетикасындағы әріптестікті дамытуға ерекше назар аударылды.

Келіссөздер барысында министрлер энергетикалық инфрақұрылымды жаңғырту, жаңа генерациялайтын қуаттарды салу, заманауи технологияларды енгізу және энергиямен жабдықтаудың сенімділігін арттыру мәселелерін қарастырды.

Сондай-ақ таза энергетика саласындағы ынтымақтастық, жаңартылатын және баламалы энергия көздерін дамыту, тұрақты даму мақсаттарына қол жеткізу үшін технологиялар мен тәжірибе алмасу мәселелері талқыланды.

Кездесу қорытындысы бойынша Қазақстан мен Оңтүстік Корея энергетикалық қауіпсіздікті нығайтуға, технологиялық дамуды ілгерілетуге және экономикалық ынтымақтастықты кеңейтуге бағытталған энергетика саласындағы жобалар бойынша бірлескен жұмысты жалғастыруға дайын екендерін растады.

08.06.2026, 14:22 63071

Әлемдік нарықта мұнай бағасы өсті

Сурет: Depositphotos

Израиль мен Иран арасындағы жағдайдың ушығуы әлемдік мұнай бағасының өсуіне әсер етті, деп хабарлайды Kazinform агенттігі.

8 маусымда сауда-саттық басталғанда Brent маркалы мұнайдың тамыз айына арналған фьючерстері алдыңғы сауда күнінің жабылу бағасымен салыстырғанда 3,6 пайыз қымбаттап, баррелі 96,7 долларға жетті.

WTI маркалы америкалық мұнайдың бағасы да өсіп, баррелі 93,5 доллар болды. Ал Urals маркалы мұнайдың бір баррелі шамамен 86,3 доллардан сатылып жатыр.

Мұнай бағасының өсуіне Таяу Шығыстағы жағдайдың шиеленісуі және Парсы шығанағынан мұнай мен газ жеткізуге қатысты алаңдаушылық себеп болып отыр.

Сарапшылардың айтуынша, АҚШ, Израиль және Иран арасындағы қақтығыс болып жатқан 100 күн ішінде әлемдік сауда үшін стратегиялық маңызы бар Ормуз бұғазы арқылы шамамен 1 мың кеме өткен. Бұл қалыпты жағдайда бұғаз арқылы бір аптада өтетін кемелер санына тең.

7 маусым күні кешке Иран Израильдің солтүстік бөлігіне зымырандар атты. The Times of Israel басылымының мәліметінше, бұл - сәуір айынан бері жасалған алғашқы осындай шабуыл. Ал Тегеран мұны Израильдің Ливандағы әрекеттеріне жауап деп атады.

05.06.2026, 18:51 81506

Қазақстандағы май өндіру саласы төрт жыл ішінде экспорттық кірісті төрт есе - $963 млн-ға ұлғайтты

Сурет: primeminister.kz

Қазақстандық май саласының экспорттық кірісі төрт жылда төрт есеге өсіп, 963 млн АҚШ долларына жетті. Бұл туралы ҚР Премьер-министрінің орынбасары - ұлттық экономика министрі Серік Жұманғарин Астанада өткен FОС 2026: Fats and Oils Conference V Халықаралық май конференциясының ашылуы кезінде хабарлады, деп хабарлайды Үкіметтің баспасөз қызметінен.

Конференция жұмысына 18 мемлекеттің, халықаралық ұйымдардың, жетекші әлемдік компаниялардың, қаржы институттарының, салалық қауымдастықтар мен сараптамалық қоғамдастықтардың өкілдері қатысты.

Конференцияны ашқан ҚР Премьер-министрінің орынбасары - ұлттық экономика министрі Серік Жұманғарин соңғы жылдары май өндіру саласы агроөнеркәсіптік кешен сегментінің бірінен ұлттық экономиканың стратегиялық маңызды бағытына, экономиканы әртараптандырудың, қайта өңдеуді дамыту мен қосылған құны жоғары өнім жасаудың табысты үлгісіне айналғанын атап өтті.

Небәрі төрт жылдың ішінде қазақстандық май өнімі экспортының валюталық түсімі төрт есеге, 240 млн-нан 963 млн АҚШ долларына дейін өсті. Өндіріс рекордтық 1,6 млн тоннаға, қайта өңделген ауылшаруашылығы өнімі экспортындағы саланың үлесі 27%-ға жетті. Бұл отандық өндірушілерді қолдау, қайта өңдеуді дамыту мен инвестиция тартудағы дәйекті мемлекеттік саясаттың нәтижесі. Қайта өңдеумен бірге ауыл шаруашылығы да дамып, майлы дақыл алқабы кеңеюде. Фермерлік шаруашылықтың табыстылығы артты. Жаңа жұмыс орындары ашылып, көлік және экспорттық инфрақұрылым дамуда", - деп атап өтті вице-премьер.

Бүгінгі таңда Қазақстан күнбағыс майын экспорттау жөнінен әлемде алтыншы орында. Ол өнімді Қытай нарығына екінші ірі жеткізуші. Сондай-ақ, республика Еуропалық Одаққа күнбағыс ұнын басты жеткізушілер қатарына кіріп, Орталық Азия мемлекеттерінің қажеттілігін толықтай өтей алады.

Серік Жұманғариннің айтуынша, саланың алдағы міндеті - ірі экспорттаушы мәртебесінен әлемдік көшбасшының біріне өту. Ол үшін 2026-2028 жылдарға арналған май өнімі экспортын дамыту жөніндегі жол картасы жүзеге асырылуда.

Біздің мақсатымыз - саланың валюталық түсімін жылына $1,5 млрд-тан аса ұлғайту. Қазақстанның күнбағыс майының ірі әлемдік экспорттаушылары арасындағы позициясын нығайтып, саланың әлемдік көшбасшыларының үштігіне кіру үшін негіз құру қажет", - деп атап өтті ол.

Осы мақсатқа қол жеткізу үшін жоғары рентабельді майлы дақылдың егіс алқабын кеңейту, заманауи агротехнология есебінен өнімділікті арттыру, терең өңдеуге инвестиция тарту, сондай-ақ көлік-логистикалық инфрақұрылымды және халықаралық сауда бағыттарын дамыту жұмысы жалғасады.

Қазақстан ұлттық қайта өңдеушілер қауымдастығының төрағасы Ядикар Ибрагимов сала экспорттық географияны белсенді түрде кеңейтіп, логистикалық шешімді жетілдіруде екенін жеткізді.

Мәселен, 2026 жылы Ақтау портында алғаш рет теңіз кемесіне өсімдік майын ауыстырып тиеу жүзеге асырылды. "ҚТЖ" ҰК" АҚ қолдауымен Қытай бағытында Достық - Алашанькоу шекаралық өткелі арқылы астық таситын көлікпен түйіршіктелген күнбағыс ұнын тәжірибелік жеткізу басталды.

Сонымен қатар 2025 жылғы күзде Қазақстан тарихында алғаш рет Шығыс Қазақстан облысынан Қытайдың Цзянсу провинциясына флекситанктер арқылы күнбағыс майы 40 футтық контейнермен жөнелтілді. Жүк 12 күнде 4 700 шақырымды жүріп өтіп, контейнермен тасымалдаудың тиімділігі мен жоғары жылдамдығын көрсетті.

Ең көп оқылғаны