Қарағанды облысындағы 5 шаруашылық "Мурабаха" несие бағдарламасы бойынша сүтті сиыр сатып алды
"ІҚМ сатып алуды несиелеу келесі талаптар бойынша орындалады: қарыз сомасы - 3 млн. 750 мың теңгеге дейін, мерзімі - 4 жылға дейін, табыстылық үстемесі - 9,5%-дан аспайды", - дейді "Ауыл шаруашылығын қаржылай қолдау қоры" АҚ Қарағанды филиалы директорының орынбасары Мәдияр Тұңғышбеков.
Алматы. 04 желтоқсан. Kazakhstan today. Қарағанды облысының Шет ауданындағы 5 шаруашылық "Мурабаха" несие бағдарламасы бойынша симментал тұқымды 40 сүтті сиыр сатып алды. Қаржыландыруды "ҚазАгро" Ұлттық басқарушы холдингі" АҚ еншілес компаниясы - "Ауыл шаруашылығын қаржылай қолдау қоры" АҚ жүргізуде. Өткен аптада мал Шет ауданының Бұрма ауылына жеткізілді, деп хабарлайды Kazakhstan today "Ауыл шаруашылығын қаржылай қолдау қоры" АҚ баспасөз қызметіне сілтеме жасап.
Осыдан бір ай бұрын ауданда өткен семинар-жиналыста сүт кластерінің жүзеге асырылу мәселелері талқыланған болатын. Жобаны "Агробизнес - 2020" бағдарламасының шеңберінде пилоттық режимде Қарағанды әкімдігі, "Нәтиже" ЖШС өндіруші компаниясы мен Қор бірлесе жүзеге асырады.
Қаржыландыру барысында қордың "Мурабаха" исламдық несиелеу бағдарламасымен қатар "Жұмыспен қамту - 2020" Жол картасы бойынша шағын несиелеу де пайдаланылуда.
Сонымен қатар, "Мурабаха" бойынша сүтті тасымалдауды несиелеу жүйесі қарастырылған: қарыз алушы сүт тасымалдайтын көлікті бөліп-бөліп төлеуге сатып алады және "Нәтиже" компаниясымен жасалған келісім-шарт бойынша сүтті жинап, қабылдау пункттеріне жеткізеді.
"ІҚМ сатып алуды несиелеу келесі талаптар бойынша орындалады: қарыз сомасы - 3 млн. 750 мың теңгеге дейін, мерзімі - 4 жылға дейін, табыстылық үстемесі - 9,5%-дан аспайды", - дейді "Ауыл шаруашылығын қаржылай қолдау қоры" АҚ Қарағанды филиалы директорының орынбасары Мәдияр Тұңғышбеков.
"Талаптарға сәйкес келетін жағдайда 1 мал басына берілетін мемлекеттік субсидия 118 мың теңгені құрайды. Бір асыл тұқымды бастың өнімділігі тұқымды емес малмен салыстырсақ, 3 есе жоғары. Сондықтан, бұл жоба шаруалар үшін өте тиімді болады деп сенемін",- деді ол.
Жобада сүт өңдеушілеріне бөлінетін мемлекеттік қолдау шаралары да ескерілген. Мемлекет сүтті тұқымды ІҚМ жас малын сатып алуға, селекциялық және асыл-тұқымды жұмыстарын жүргізуді арзандатуға, аналық мал басын сапасын көтеруге бағытталған субсидия береді. Сондай-ақ, мемлекеттік субсидиялардың көмегімен бұқа-өндірушілерінің бағаланған ұрықтың бағасы мен эмбриондарды трансплантациялау бағасын төмендетуге болады. Сонымен қатар, ІҚМ аналық басын қоректендіру үшін қара азық пен мәйекті мал азығының бағасы субсидия арқылы арзандатылады.
"Жалпы, аудан бойынша қаржыландыру сомасы 19 млн. 250 мың теңгені құрайды", - деді М.Тұңғышбеков.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.