Кәсіпкерлерді тексеру санына қарай бірінші орында салық органдары тұр - Тәуелсіз кәсіпкерлер қауымдастығы (толық нұсқасы)
Кәсіпкерлерді тексеру санына қарай бірінші орында салық органдары тұр - Тәуелсіз кәсіпкерлер қауымдастығы (толық нұсқасы)
Алматы. 23 шілде. "Қазақстан Бүгін" - Кәсіпкерлерді тексеру санына қарай бірінші орында салық органдары тұр. Бұл туралы Тәуелсіз кәсіпкерлер қауымдастығының вице-президенті Тимур Назханов бүгін өткен баспасөз мәслихатында мәлім етті, деп хабарлайды агенттік тілшісі.
Кәсіпкерлердің қоғамдық бірлестіктері бизнес-ортаны жақсарту жөніндегі USAID жобасының қолдауымен "Бизнес және тексерулер" республикалық қозғалысы кәсіпкерлер арасында тексеру мәселелері бойынша осы жылғы көктемде анкета толтыру нәтижесінде осындай мәлімет алынды, деді Т.Назханов.
"Барлық мемлекеттік қадағалау органдары арасынан кәсіпкерлерді ең жиі тексеретін бірнешеуі айқындалды. Бәрінен де көп тексеретіні салық органдары болғаны құпия емес. Олар 83%-бен бірінгі орынды иеленді. Екінші орында - санитарлық-эпидемилогиялық қызмет пен өрт инспекциясы, үшінгі орында - сертификаттау және стандарттау органдары, төртінші орында - қаржы полициясы", -деді вице-президент.
"Қаржы полициясы оларды тексерулер деп атамайтынын айта кету керек. Олардың бұл шарасы "оперативтік-іздестіру шарасы" деп аталады, оның шеңберінде олар кәсіпорындарды нұсқаусыз тексере береді", - деді Т. Назханов.
Ал енді тексерулер кезіндегі заң бұзушылықтарға келсек, 84 пайыз жағдайда олардың кенеттен жүргізілетіндігі, 67 пайыз жағдайларда тексеру жүргізуге ұйғарым-нұсқаманың жоқтығы атап көрсетілген.
"Тағы бір заң бұзушылық - айыппұлды сол жерде салу. Заң бойынша айыппұл төлеуге құжат толтырылуға тиіс, ол айыппұл оқиға орнында бірден алынуға әсте тиіс емес. "Жеке кәсіпкерлік туралы" заң қабылданғаннан кейін осындай құқық алған жалғыз мемлекеттік орган - ол ветеринарлық қадағалау органы. Оған сол жерде айыппұл салуға құқық берілген. Және баршасына таныс заң бұзушылық - оқиға орнында пара бопсалау. Мұндай жайтты сауалнамаға қатысқан кәсіпкерлердің 58% атаған", -деді Т.Назханов.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.