Кәсіпорындарды жаңартуға бағытталатын лизингтік ресурстар даму институттары арқылы беріледі
Кәсіпорындарды құрал -жабдықтарын жаңартуға бағытталатын лизингтік ресурстар даму институттары арқылы беріледі
Астана. 5 желтоқсан. "Қазақстан Бүгін" - ҚР 2015 жылға дейін технологиялық тұрғыда дамыту бағдарламасы аясында, қайта өңдеу саласындағы қазақстандық кәсіпорындардың негізгі қорларын жаңартып дамытуға бөлінетін республикалық бюджеттен бөлінетін қаржы даму институттары арқылы біреледі. Бұл туралы "дөңгелек үстел " барысында ҚР индустрия және сауда министрлігінің вице-министрі Қуандык Бишімбаев құлағдар етті, деп хабарлайды агенттік тілшісі.
"Біздегі кәсіпорындардың қоры кеңес үкіметі құлағалы ауыстырылмады, сондықтан, машина жасау кәсіпорындары, қайта жөңдеу өндіріс орындары, жеңіл өнеркәсіп орындары мерзімі өтіп, көнерген құрал-жабдықтармен жұмыс істеуде", - деді Қ. Бишімбаев.
"Бұл мәселені шешу үшін біз технологиялық даму бағдарламасында кәсіпорындар үшін даму институттары арқылы жеңілдетілген пайыздық ставкамен лизинг жүйесін енгізуді белгіледік. Яғни, қайта өңдеу саласындағы өндіріс кәсіпорындарында техникалық құрал -жабдықтарды жаңартуға бағытталған арнайы лизингтің бағдарлама ашылады", - деді ол.
Қ. Бишімбаев атап өткеніндей, "Көп жағдайда кәсіпорындар үшін лизингтік немесе несиелік ресурстар құны тым жоғары және олардың кепілдікке қоятын қорлары күні бұрын көнергендіктен, біз осындай жаңа бағдарламаны дайындауды жөн көрдік. Сондықтан, біз тікелей республикалық бюджеттен қаржыландыруды жоспарлап отырмыз".
"Бұл бағдарламаның операторы Қазақстан Даму банкі және оның еншілес ұйымы - "БРК-лизинг" болады, деп толықтырды вице-министр. Ол атап өткеніндей, 2009 жылы бұл бағытта технологиялық даму бағдарламасының аясында 7 млрд теңге бөлінеді. "Бұл тым көп қаржы болмаса да, бірақ айтарлықтай септігін тигізетініне сенеміз", - деп ойын жеткізді Қ. Бишімбаев.
Осыған орай, ол бүгінгі "дөңгелек үстелдің" негізі мақсаты - "қайта өңдеу саласында істейтіндердің алдағы жылы арыздарын қабылдайтыны туралы ақпаратты жеткізу (құрал жабдықтарды жаңартудың лизингтік бағдарламасына қатысу үшін) екуенін атап өтті. Сондай-ақ, 2009 жылы бұл бағыттағы бағдарламаны іске асыру үшін нақты бюджетін көрсету керек".
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.