"ҚазАгро" ұлттық холдингі 500 басқа арналған сүт-тауар фермасын қаржыландырады - Айтжанов
"ҚазАгро" Ұлттық басқарушы холдингі" АҚ "Астана-Боттлерс" кәсіпкерлігін қаржылай қолдай отырып 500 басқа арналған сүт-тауар фермасын іске қосады. Бұл туралы "ҚазАгро" ҰБХ" АҚ басқарма төрағасы журналистерге арналған баспасөз турында мәлімдеді.
Алматы. 21 шілде. Kazakhstan today. "ҚазАгро" Ұлттық басқарушы холдингі" АҚ "Астана-Боттлерс" кәсіпкерлігін қаржылай қолдай отырып 500 басқа арналған сүт-тауар фермасын іске қосады. Бұл туралы "ҚазАгро" ҰБХ" АҚ басқарма төрағасы журналистерге арналған баспасөз турында мәлімдеді.
"Астана-Боттлерс" ЖШС зауыты сүтті өңдеудің екі тетігін - табиғи және құрғақ сүт өндірісін қарастыруда. Бірінші кезеңде зауыт құрғақ сүтті қолға алмақ. Алдағы уақытта Ұлттық холдиенгтің қолдауымен 500 басқа арналған сүт-тауар фермасын құрмақ.
Ұлттық холдинг басшысының айтуынша, зауыттың қуаттылығы тәулігіне 100 тоннаға жетеді. Бүгінгі лек елорданың сауда желілеріне жол тартпақ. Сонымен қатар Қазақстанның батысына жөнелтілетін ірі көлемде өнім дайындалуда.
"Біздің міндетіміз - халыққа табиғи сүт ұсыну. Компания өндіріске табиғи өнімді жіберу үшін өзі сүт-тауар фермасын құру ұсынысын тастады", - дейді.
Айтжановтың айтуынша, "ҚазАгро" зауытқа 800 млн теңге несиесін алуға қаржылық қолдау көрсеткен қаржы ұйымы болып табылады.
Сонымен қатар басқарма төрағасы тауарөндіру жүйесін құру жұмыстарын жргізіп жатқанын айтты. "Біз алыпсатарлардан арылу үшін өндірушілер мен сауда желілері арасында тікелей байланыс құрамыз. Бұл кәсіпкерліктердің сауда желісіне шығуына мүмкіндік береді. Бұл тауар өнімдероін ірі көлемде сатуға да жол ашады. Біз өндіріс орындарының максималды қуаттылығына жетуі үшін барлығын жасап жатырмыз", - дейді.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.