Қазақстан Бүкіләлемдік экономикалық форумның рейтінгісі бойынша өз позициясын 21 сатыға көтерді
Өткен жылмен салыстырғанда аталған рейтингтегі Қазақстанның позициясы 21 пунктіге көтерілді, деп хабарлады pm.kz сайты.
Астана. 5-қыркүйек. Kazakhstan Today - Қазақстан Бүкіләлемдік экономикалық форум өткізетін жыл сайынғы Бәсекеге қабілеттіліктің жаһандық рейтингісінде әлемдегі 144 елдің арасында 51-орынға ие болды, деп хабарлайды Kazakhstan Today агенттігінің тілшісі.
Өткен жылмен салыстырғанда аталған рейтингтегі Қазақстанның позициясы 21 пунктіге көтерілді, деп хабарлады pm.kz сайты.
Ұсынылған есепке қарағанда, 2011-2012 жылдары Қазақстан БЭФ рейтингісінде 72 орында болған. Енді, бір жыл ішінде ұлттық экономиканың рейтингісі 21 позицияға көтеріліп, 51 орынға ие болды.
"Қазақстан бірнеше жыл бұрын иеленген 51 орынға қайтып оралды. Бұл прогресс бірнеше саладағы жағдайдың оңалуымен түсіндіріледі. Елдің басты артықшылығы - макроэкономикалық тұрақтылығында, бұл көрсеткіш бойынша ел 16 орында тұр. Бұдан басқа, технологиялық дайындық бойынша 87 қатардан 55-ке дейін көтерілген. Алайда, едәуір алға жылжушылыққа қарамастан, елдің әлі де денсаулық сақтау мен бастауыш білім беру (99-орын), бизнесті дамыту (103-орын) бойынша біраз мәселелерді шешуі қажет", - делінген БЭФ есебінде.
ТМД елдері арасында бәсекеге қабылеттілік индексі бойынша Изірбайжан - 46 орында, Ресей Федерациясы - 67 орында, Украина - 73 орында, Тәжікстан - 100 орында, Қырғызстан - 127 орында тұр.
Сонымен қатар, анағұрлым бәсекеге қабылетті экономикалардың ондығына кірген Швейцария - 1 орында, Сингапур - 2 орында, Финляндия - 3 орында, Швеция - 4 орында, Нидерланды - 5 орында, Германия - 6 орында, АҚШ - 7 орында,Ұлыбритания - 8 орында. Гонконг - 9 орында және Жапония - 10 орында тұр.
Жаһандық бәсекеге қабылеттілік индексі (The Global Competitiveness Index) - бұл жаһандық зерттеу және ұлттық экономиканың бәсекеге қабылеттілігі көрсеткіші бойынша әлем елдерінің рейтингісі. Аталған рейтингті Бүкіләлемдік экономикалық форумның талдаушылары жыл сайын өткізеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.