Қазақстан ешбір мемлекет сатып алмайтын қылшықты жүнді қойдан биязы жүнді қойға ауысуы керек - Күрішбаев
Қазақстан ешбір мемлекет сатып алмайтын қылшықты жүнді қойдан биязы жүнді қойға ауысуы керек - Күрішбаев
Астана. 29 мамыр. "Қазақстан Бүгін" - Қазақстан ешбір мемлекет сатып алмайтын қылшықты жүнді қойдан биязы жүнді қойға ауысуы керек. Бұл туралы ҚР Ауылшаруашылығы министрі Ақылбек Күрішбаев кеше Шығыс Қазақстан облысына сапары кезіндегі кездесуде мәлімдеді, деп хабарлайды "Қазақстан Бүгін" агенттігі ҚР Ауылшаруашылығы министрлігінің баспасөз қызметіне сілтеме жасап.
"Біз биязы жүнді қолға алуымыз керек. Кеңес үкіметі кезінде қойдың 50 пайызы биязы жүнді болатын. Сонда бұл қой шаруашылығы өте жақсы көтеретін болады. Қазір 50 пайыздан 15 пайызға бірақ түстік. Қазіргі кезде қойлардың барлығы қылшықты жүнді. Ондай қойдың жүндерін ешқандай мемлекеттер сатып алмайды. Ал егер биязы жүнді қойға ауысатын болсақ, сұраныс көбейеді. Қытайда, Ресейде, Европада қазір биязы жүнге өте сұраныс көп",- деді А.Күрішбаев.
Баспасөз қызметінің ақпаратына сәйкес, басымдықтағы инвестициялық бағыттарды қаржыландыру шеңберінде қазіргі уақытта мынадай бағыттар бойынша Шығыс Қазақстан облысы агроөнеркәсіптік кешенінің шаруашылық субъектілерінің өтінімдері мақұлданды: ауыл шаруашылығы техникасын құрастыру өндірісін ұйымдастыру, көкөністерді сақтау қоймаларын құру, құс фабрикасын және жылыжайлар құру.
Ауылшаруашылығы министрі Ақылбек Күрішбаевтың Шығыс Қазақстан облысына арналған жұмыс сапары бүгін Шемонаиха ауданы мен Семей қаласында жалғасады. Ол жерде Ауыл шаруашылығы басшысы жасыл желекті "Семей орманы" мемлекеттік табиғи орман резерватын өрт пен заңсыз ағаш кесуден сақтау және орманды қайта қалпына келтіру жөнінде облыс әкімдері мен құқық қорғау орган өкілдерінің қатысуымен кеңес өткізеді.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.