Қазақстан Республикасы үкіметі Kazakhmys PLC акцияларының 15 % сатып алды (толықтырылған нұсқасы)
Қазақстан Республикасы үкіметі Kazakhmys PLC акцияларының 15 % сатып алды (толықтырылған нұсқасы)
Астана. 10 маусым. "Қазақстан Бүгін" - Қазақстан Республикасы үкіметі Kazakhmys PLC акцияларының 15 % сатып алды, деп хабарлайды агенттік тілшісі үкіметтің баспасөз қызметіне сілтеме жасап.
Баспасөз қызметінің ақпаратына сәйкес, "кеше Қазақстан Республикасы үкіметі "Қазақстан Республикасында тау-кен металлургиялық саласын одан әрі дамыту жөніндегі шаралар туралы" қаулы қабылдады, соған сәйкес Қазақстан Республикасының үкіметі Kazakhmys PLC акционерлік капиталына қатысу үлесін сатып алады".
Хабарламаға сәйкес, Kazakhmys PLC акциялар пакетін сатып алу акцияларды айырбастау жолымен жүзеге асырылады: ҚР Үкіметі "Eurasian Natural Resources Corporation" (одан әрі - ENRC PLC) акционерлік компаниясындағы мемлекеттік акциялар пакеті бөлігін Kazakhmys PLC компаниясына береді, ал Kazakhmys PLC компаниясы акцияларының қосымша шығарылымын ҚР Үкіметіне айырбастауға береді.
"Осылайша, Қазақстан Республикасы Лондон қор биржасында орналастырылған екі ірі қазақстандық тау-кен компаниясының ірі акционеріне айналады. Осы келісімнің нәтижесінде, ҚР үкіметі ҚР тау-кен саласына мемлекеттік ықпал етуді күшейтеді, сондай-ақ кейбір металдар мен металлургиялық өнімдер түрлерінің әлемдік баға сілкінісіне тәуекелділікті қысқарту арқылы өз инвестициялық портфелін әртараптандырады",- делінген хабарламада.
Екі компания қөздерінің активтерінің құнын едәуір арттыруға мүмкіндік берген Лондондағы ашық орналастыруды сәтті жүргізді және халықаралық қоғамдастықтың назарын Қазақстан Республикасының инвестициялық әлеуетіне кеңінен тартты.
Қаулы мәтініне сәйкес, айырбастауға жататын акциялар саны Лондон қор биржасындағы жабық сауданың нәтижесі бойынша есептелінген, үкімет қаулысына қол қойылғаннан бір ай бұрынғы, ENRC PLC орташа акциясының бағасына және Kazakhmys PLC компаниясының акциясының қатынасына орай анықталатын болады.
Келісімнің нәтижесінде ҚР үкіметі ENRC PLC акцияларының 11,65 % сақтап, Kazakhmys PLC акцияларының 15 % сатып алады.
Қазақстан қор биржасының мәліметтеріне сүйенсек, "Қазақмыс" ҚР үкіметінен қазіргі қатысу үлесіне қосымша ретінде ENRC акциясының 7,66% немесе 98 607 884 акция сатып алады. Мәміле нәтижесінде "Қазақмыс" өзінің ENRC-дегі үлесін 14,59 пайыздан 22,24 пайызға дейін жеткізеді.
Қазақстан қор биржасының хабарламасында толықтырылып көрсетілгендей, "Қазақмыс" Қазақстан үкіметіне ENRC акцияларының пакетіне айырбас ретінде 80 286 050 жаңа шығарылған акцияларын береді. "Акциялар айырбасының келісімдік бағамы "Қазақмыстың" 1 акциясына ENRC-дің 1,23 акциясы тең келеді", - деп көрсетілген биржа хабарламасында.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.