Қазақстанда 56 мыңнан астам жеңіл көлік тіркелген
И.Смайылов анықтап бергендей, бұл сандарға елге сырттан жаңадан әкелінген және ішкі нарықта сатып алынып, тіркелген көліктер кіреді.
Астана. 16-тамыз. Kazakhstan Today - Қазақстанда 56 мыңнан астам жеңіл көлік тіркелген, деп хабарлайды Kazakhstan Today агенттігінің тілшісі.
ҚазАқпарат агенттігінің хабарлауынша, 2011 жылғы маусымда республикада 56 106 жеңіл автокөлік тіркеуден өткен. Бұл туралы кеше өткен брифингіде ҚР Статистика агенттігінің төрағасы Илихан Смайылов мәлім етті.
И.Смайылов анықтап бергендей, бұл сандарға елге сырттан жаңадан әкелінген және ішкі нарықта сатып алынып, тіркелген көліктер кіреді.
"Ағымдағы жылдың маусым айында елде 56 106 жеңіл автокөлік тіркеуден өтті. Бұл өткен жылдың сәйкес айына қарағанда 23 пайызға жоғары. 2011 жылдың 1 шілдесіндегі жағдай бойынша жеңіл көліктің барлық саны 3 миллион 350 мың бірлікті құрайды", - деп атап өтті ол.
Статистикалық мәліметтерге сүйенсек, маусымда темір тұлпарлар Алматы қаласында ең көп тіркелген. Олардың саны 8 310-ды құрайды. Одан кейінгі орында Астана қаласы (6 189 бірлік), Оңтүстік Қазақстан облысы (5 911), Алматы облысы (5 666), Шығыс Қазақстан облысы (4 405) тұр.
Таратылған мәліметтер бойынша қазақстандықтар шығу жылы жаңа машиналарға ауыса бастағанын көрсетіп отыр. Егер 2010 жылдың маусым айында тіркелген 45 592 көліктің 35 541-і қолданылғанына 10 жылдан асқан көліктерді құраса, биылғы маусымда ресімделген 56 106 көліктің арасында осы мерзімдегі темір тұлпарлар саны 29 273 бірлік. Сонымен бірге, қолданылғанына 3 жылдан асқан, бірақ 7 жылдан кем уақыт жүрген көліктердің саны - 12 204 (2010 жылы - 4 342), 7 жылдан асқан бірақ 10 жылдан кем көліктердің саны - 9 992 (3 082), 3 жылдан кем уақыт жүрген көліктердің саны - 4 668 (2 553) болды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.