АСТАНА. 14-қараша. Kazakhstan Today. "Қазақстанда ағылмалы тәсілмен компьютерлер өндіру жобасы жүзеге асырыла бастайды, соның нәтижесінде ақпарат алудағы теңсіздікті азайтуға айтарлықтай үлес қосылып, компьютерлік техниканың құрамды бөліктерін өндіре бастауға негіз қалайды". Бұл туралы бүгін "Қазына" тұрақты даму қорының басқармалары төрағасы Қайрат Келімбетов үкімет отырысында құлағдар етті, деп хабарлайды Kazakhstan Today тілшісі.
Оның айтуынша, "Алатау" ақпараттық технологиялар паркінің аумағында ауыр серверлер өндірісін құру жұмыстары жүргізілуде. "Бұл жоба суперкомпьютер өндірісінің базасына айналады деп межеленген",- деді Қ.Келімбетов.
Оның айтуынша, мультимедиялық мониторлар жасау жөніндегі бірлесен кәсіпорын құруға бағытталған DSL Glotur Multimedia жобасы алдағы уақытта Қазақстанда зерттеу лабораториясын құруды талап етеді. "Бұл аталмыш технологияны табысты меңгеруге ғана алып келмей, сонымен бірге оны Қазақстанның ғылыми-технологиялық базасында одан әрі дамытуға және жаңа өнімдер жасауға жол ашады".
"Жалпы алғанда қазір Ұлттық инновациялық қордың қоржынында әлемдік брендтердің қатысуымен қосқанда жалпы құны 200 млн. АҚШ долларын құрайтын 18 жоба бар",- деп хабарлады Қ.Келімбетов. Оның ақпаратына сәйкес, бұған қоса Алкатель және Аления Спейс компанияларымен Қазақстанда жылына 10 жер серігін жасай алатын жер серіктері өндірісінің негізін қалау жөнінде келіссөздер жүргізілді. Сонымен бірге биотехнологиялық өндірістер құру, "стволовые клетки" өндіру және жаңа құрылыс материалдарын жасау жөніндегі жобалар қаралуда.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстанда ағылмалы тәсілмен компьютерлер өндіру жобасы жүзеге асырыла бастады - Қ.Келімбетов
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.