Система Orphus

Қазақстанда ағымдағы жылдың маусымында инфляция 0,3% құрады

01.07.2013, 11:04 4603

Астана. 1-шілде. Kazakhstan Today - Қазақстанда ағымдағы жылдың маусымында инфляция 0,3% құрады, деп хабарлайды Kazakhstan Today агенттігінің тілшісі.

ҚР Статистика агенттігінің баспасөз қызметінің хабарлауынша, өткен айда азық-түлік тауарларына бағалар 0,1% өсті, азық-түліктік емес тауарларға - 0,2%-ға, ақылы қызметтер - 0,5%-ға артты.

Бұдан өзге, өткен айда орта есеппен алғанда республика бойынша картоп, пияз бағасы 7,7%-дан артқан, сәбіз 5,7%-ға, манна жармасына 1,6%-ға, минералды және ауыз су 1,1%-ға, сұлы жармасына 0,9%-ға, шұжық өнімдеріне 0,6%-ға артқан.

Сонымен бірге бағалардың түсуі қиярға, қызанаққа 14,3%-дан, жұмыртқаға - 8,4%, қарақұмыққа - 2,6%, шикі сүтке - 2,5%-ға, күнбағыс майына - 0,6%-ға, қырыққабатқа - 0,3%-ға байқалған.

Оған қоса, құрылыс материалдарына, киім мен аяқ киімге 0,3%-дан, тұрмыстық құралдарға, тазалау құралдарына - 0,2%-дан артқан. Дизельдік отын 0,5%-ға, ал бензин - 0,2%-ға арзандаған.

Өз кезегінде темір жол жолаушы көлігімен ұзақ арақашықтықтарға жүру 1%-ға қымбаттаған, демалыс және спорттық іс-шаралар саласындағы қызметтер, мейрамханалар мен қонақ үйлер, шаштараздар мен жеке қызмет көрсету орындарында - 0,7%-дан, денсаулық сақтауда - 0,4%-ға артқан.

Мәлімдемеде көрсетілгендей, тұрғын үй-коммуналдық қызмет көрсетулердегі кәрізге тарифтер1,5%-ға артқан, ал орталық жылу беру - 1,4%-ға, суық суға - 1,2%, үйді ұстауға - 0,2%, қоқыс шығаруға - 0,2%-ға төмендеген.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны