АСТАНА. 8 - маусым. Kazakhstan Today. Қазақстанда егін науқаны аяқталды; егіс алаңы 14,1 млн га құрады, деп хабарлады Kazakhstan Today агенттігінің тілшісіне Ауыл шаруашылық министрлігінің баспасөз қызметінен.
"Егіс жұмыстары республиканың барлық аймақтарында аяқталды. Күздік дақылдар 14,1 млн га алаңға немесе жоспар бойынша 100 пайызға егілді. Егіс науқаны Қарағанды, Қостанай, Павлодар және Оңтүстік Қазақстан облыстарында жоспардан асыра орындалды",- деп хабарлады мекеменің баспасөз қызметінен.
Атап айтқанда, республикамыздағы көктемгі науқанда 11,9 млн гектарға бидай мен 1,7 млн гектарға арпа егілді. "Алматы және Оңтүстік Қазақстан облыстарында күріш пен жемге жүгері егу жалғасуда. Республика бойынша жемге арналған жүгері 87,9 мың гектар (89,3 пайыз), күріш - 86,7 мың гектар (100,4 пайыз) алаңға егілді",- деп хабарлады баспасөз қызметінен. Май дақылдары 652 мың гектар (92 пайыз) алаңға егілді, соның ішінде күнбағыс 363 мың га (92 пайыз), сафлор - 65 мың га (88 пайыз), соя - 47 мың га (94 пайыз), рапс - 174 мың га (96 пайыз). Сонымен қатар, Алматы облысында 13,6 мың гектарға қант қызылшасы егілді, ал Оңтүстік Қазақстан облысында мақта егісі аяқталды, оған арналған алаң 196,2 мың га құрады.
Ауыл шаруашылық министрігінің мамандарының айтуынша, осы жылы ауа райының қолайсыздығына қарамастан көптеген астық егетін аудандарда егіс науқаны "оңтайлы мерзімде аяқталған". "Бұған егіс науқаны алдындағы техниканы жақсы ұйымдастыру, жанар-жағармай материалдарымен және астықпен қамсыздандыру себепші болды",- деп түсіндірді баспасөз қызметінедегілер.
Ауыл шаруашылық министрігінің хабарлауынша, "Қазгидромет" республикалық мемлекеттік кәсіпорынының болжамы бойынша, маусым - шілде айларындағы ауа температурасы мен жауын-шашын "жалпы топырақ ылғалдығын сақтау үшін және күздік астық дақылдарының бүр жаруы үішн қолайлы болады". Ауа райының қолайлы болуына байланысты, сонымен қатар басқа да факторларды ескере отырып, мамандар осы жылы астық түсімі соңғы бес жылдағы орташа көрсеткіш деңгейінде сақталады деген болжам жасауда.
Болжам бойынша осы жылы ауыл шаруашылық дақылдарында зиянкестер мен аурулар 4,5 млн гектарға тарайды деп күтілуде. "Олармен күрес жүргізу үшін республикалық бюджеттен 3,3 млрд теңге көлемінде қаржы бөлінген. Кеселге қарсы химиялық күрес шараларын оңтайлы мерзім - маусымның 20 мен 20-25 шілде арасында жүргізу жоспарланып отыр",- деп хабарлады мекеменің баспасөз қызметінен.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстанда егін науқаны аяқталды; егіс алаңы 14,1 млн га құрады
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.