Қазақстанда электр энергетикасы саласында тартымды инвестициялық орта құру қажет - Назарбаев
Қазақстанда электр энергетикасы саласында тартымды инвестициялық орта құру қажет - Назарбаев
Атырау. 6 маусым. "Қазақстан Бүгін" - Қазақстанда электр энергетикасы саласында тартымды инвестициялық орта құру қажет. Бұл туралы бүгін Атырауда Қазақстан президентінің жанындағы шетелдік инвесторлар кеңесінің 19-шы жалпы отырысында Елбасы Нұрсұлтан Назарбаев мәлімдеді, деп хабарлайды агенттік тілшісі.
"Кейінгі жылдары тұрақты өсіп келе жатқан энергеияға деген сұраныс бізге өткен ғасырдың 90-шы жылдардың басында мұраға қалған қуаттылықтың есебінен қанағаттандырылып келді. Егер 2002 жылдан бастап бес жылда электр қуатын тұтыну көлемі отыз пайыздан астам өссе, қуаттылық небәрі 3,5%-ға өсті", -деді Н. Назарбаев.
"Ал қазір жұмыс істеп жатқан станциялардың резерві біткен сәтте экономикаға электр қуатының шектелуі жағдайында жұмыс істеуге тура келмек", - деді ол.
"Өткен жыл жағдайдың мұндай болуы өнеркәсіптің одан әрі өсуіне, экономиканы әртараптандыруға, халықтың әл-ауқатын көтеруге күрделі кедергіге айналатынын көрсетіп берді. Энергетикалық қуаттылықты жаңаларын салу есебінен де, қазіргі барларын жаңалау есебінен де қарқынды арттыратын уақыт туды", -деді мемлекет басшысы.
"Балхаш ЖЭС мен Мойнақ СЭС салу, Екібастұздағы 1-ші ГРЭС пен 2-ші ГРЭС-ті кеңейту, Ақсу ГРЭС-ін ұлғайту біздің энергиямен қамтамасыз етілу жағдайымызды біршама жақсартады. Алайда, мұндай ауқымды жобаларды жүзеге асыру үшін бізге электр энергетикасы саласында тартымды инвестициялық орта қалыптастыру қажет", -деді ол.
"Бұл бірінші кезекте тариф белгілеудің түсінікті әрі ашық болуын, ұзақ мерзімге есептелген капитал сыйымдылығы жоғары жобаларды меңзейді", - деді Н. Назарбаев.
"Біз инвесторларға жағдай жасау арқылы оған қол жеткізбекшіміз, оларға осында жұмыс істеу мен өз ақшасын салу оның бизнесі үшін пайдалы, қолайлы әрі қызықты болуы үшін", - деді ол.
Қазақстан президентінің пікірінше, инвесторлар мен мемлекет арасындағы өзара міндеттемелер "мемлекет пен жеке меншіктің серіктестігінің мызғымас іргетасына айналуға тиіс".
"Бұл тек болашақ жобаларға ғана емес, сонымен бірге, энергетикалық өндірістер мен желілерді инвесторларға беруге негіз болған бұрын қол қойылған келісімдерге де қатысты ", - деді Н. Назарбаев.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.