Қазақстанда құны $10 млрд тұратын Каспий энергетикалық хабын дамыту жобасы жүзеге асырылады
Қазақстанда құны $10 млрд тұратын Каспий энергетикалық хабын дамыту жобасы жүзеге асырылады
Астана. 9 сәуір. "Қазақстан Бүгін" - Қазақстанда құны $10 млрд тұратын Каспий энергетикалық хабын дамыту жобасы жүзеге асырылады. Бұл туралы бүгін өткен баспасөз мәслихатында Маңғыстау облысының әкімі Қырымбек Көшербаев мәлім етті, деп хабарлайды агенттік тілшісі.
Икімнің нақтылауынша, жоба Ақтау қаласының аумағында жүзеге асырылады. "Мұнайгаз өнеркәсібіне арналған көп функциялы сервистік-технологиялық орталық Каспий өңірінің мүмкіндіктерін кеңейтуге және оның әлеуетін жүзеге асыруға, сондай-ақ, адам капиталы мен жалпы экономиканы дамытуға мүмкіндік береді", - деді Қ. Көшербаев. Оның айтуынша, Қазақстандағы Каспий энергетикалық хабы "Парсы шығанағының елдері үшін салынған Катардағы энергетикалық хаб үлгісінде дамиды".
Каспий энергетикалық хабының құрамды бөліктері ретінде мынадай орталықтар құру межеленген: ғылым және технологиялар паркі, геофизикалық мәліметтер зертханасы, техникалық мамандарды дайындау орталығы, ақпараттық технологияларды дамыту орталығы, қоршаған ортаны зерттеу орталығы, орны толатын қуат көздері жөніндегі орталық.
Қ. Көшербаевтың айтуынша, жобаны Қазақстан үкіметі Gulf Finance House банкі мен PFC Energy International консалтингтік компаниясының қолдауымен жүзеге асырады. Қазақстан жағынан жобаны жүзеге асыруға "Қазына" тұрақты даму қоры" Энергетика және минералды ресурстар министрлігі, Индустрия және сауда министрлігі, "Самұрық" мемлекеттік холдингі мен Маңғыстау облыстық әкімшілігі қатысады. Бүгін тараптар осы жобаның аясындағы ынтымақтастық жөніндегі меморандумға қол қойды.
"Бірлескен кәсіпорын құрылады. Бірінші кезеңде $400 млн көлемінде қаржы бөлу жоспарланған", -деді әкім.
Оның айтуынша, жоба жалпы $10 млрд астам қаржыға бағаланған. Жоба тиісті мемлекеттік органдар арасындағы келісімнен кейін бір жылда басталып, 3 - 5 жылда аяқталады", - деді Қ. Көшербаев.
Оның айтуынша, бұл жоба бүгін президент Нұрсұлтан Назарбаевқа таныстырылды. Елбасы жобаны қолдады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.