АСТАНА. 6-қыркүйек. Kazakhstan Today. Қазақстанда жаңа электр станцияларын салу мен ескісін жаңалауға 3 млрд. доллардан астам қаржы керек. Бұл туралы бүгін бірінші Еуразиялық энергетикалық форум барысында "KEGOC" АҚ-ның президенті Қанат Бозымбаев құлағдар етті, деп хабарлайды Kazakhstan Today тілшісі.
"Алдын-ала есеп бойынша 2006-жылы республика 71 млрд. кВт/сағ шамасында электр қуатын тұтынады. 2008-жылдың басында еліміздегі электр тұтыну деңгейі өндірілетін электр қуатының ең жоғары шегі - 73 млрд. кВт-сағ шамасына жетпек. Бұл электр қуатының тапшылығына байланысты экономикалық өсімнің тежелуіне алып келеді",- деді Қ.Бозымбаев.
"Күн сайын өсе түскен электр қуатына деген сұранысты қамтамасыз ету үшін станцияларға ауқымды инвестиция жұмсау қажет. Қазір осыған байланысты екі жоба қаралуда. Біріншісі қазіргі бар электр станцияларын жаңалауға бағытталған кезек күттірмейтін шараларды алу. Бұл 2010-жылға дейін электр қуатын өндіру көлемін 10 млрд. кВт/сағ-қа, 2015-жылға дейін 15 млрд. кВт-сағ-қа жеткізуге мүмкіндік береді. 2010-жылға дейін 580 млн., ал 2015-жылға дейін тағы да 1,2 млн. доллар көлемінде инвестиция қажет болмақ",- деді Қ.Бозымбаев. "Екінші жоба - қазіргі бар электр станцияларын ұлғайту мен жаңа станцияларды салуға саяды",- деді ол.
"Қазір шамамен 2 мың МВт/сағ жаңа қуат көздерін пайдалануға беру талап етілуде. Оған 1,5 млрд. доллар көлемінде инвестиция қажет. 2015-жылға дейін қосымша 1,5 мың МВт/сағ жаңа қуат көздерін пайдалануға беру қажет және оған 2 млрд. доллар көлемінде қаржы талап етіледі",- деді Қ.Бозымбаев.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстанда жаңа электр станцияларын салу мен ескісін жаңалауға 3 млрд. доллардан астам қаржы керек - KEGOC басшысы
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.