Қазақстандық мұнай өңдеу зауыттарына көктемгі егіс науқанына арналған жанар-жағармайдың үштен бір бөлігін ғана жіберу қалды - ҚР Ауылшаруашылығы министрлігі
Қазақстандық мұнай өңдеу зауыттарына көктемгі егіс науқанына арналған жанар-жағармайдың үштен бір бөлігін ғана жіберу қалды - ҚР Ауылшаруашылығы министрлігі
Астана. 12 мамыр. "Қазақстан Бүгін" - Қазақстандық мұнай өңдеу зауыттарына көктемгі егіс науқанына арналған жанар-жағармайдың үштен бір бөлігін ғана жіберу қалды. Бұл туралы бүгін үкіметте өткен селекторлық жиында еліміздің ауылшаруашылығы министрі Ақылбек Күрішбаев мәлім етті, деп хабарлайды агенттік тілшісі.
"Қазіргі жағдаймен 225 мың 800 тоннасы жіберілді, сөйтіп, мұнай өңдеу зауыттары мамырдың аяғына дейін тұқым себу науқанына арнап тағы 104 мың тонна дизельдік отын жіберуге тиіс", - деді А. Күрішбаев. Оның айтуынша, кепілді көлем 330 мың тоннаны құрайды.
"Ауылшаруашылығы тауар өндірушілері оның 70% үшін ақы төледі", -деді ол.
"Ал облыстар бойынша ақысы төленбеген қалдыққа келсек, ол 29 мың 800 тоннаны, соның ішінде Ақмола облысы 11 мың 500 тонна, Ақтөбе облысы - 1980 тонна, Шығыс Қазақстан облысы - 5400 тонна, Оңтүстік Қазақстан облысы - 490 тонна, Батыс Қазақстан облысы - 2360 тонна, Қызылорда облысы - 4000 тонна және Павлодар облысы - 4000 тоннасы үшін ақы төлеген жоқ", -деді министр.
"Оңтүстік облыстарда агротехникалық мерзімге сай тұқым себу науқаны 20 мамырда аяқталатынын ескерсек, дизельдік отынның қалған бөлігі оларға таяу күндерде қажет болмақ", - деді министр.
Өз кезегінде еліміздің энергетика және минералды ресурстар министрі Сауат Мыңбаев жанар-жағармай жеткізу жұмыстары белгіленген кестеге сәйкес жүргізіліп жатқанын растады. "Расында да наурыз бен сәуірдің жоспары орындалды, мамырдың 20 жұлдызына дейін жанармай толық жеткізіледі және бұл жұмыс кесте бойынша жүргізілуде", - деді ол. "Екі шаруа қожалығы аз көлемнен бас тартты, олар келісім-шартына қол қоя тұра, бағасын уақытында төлеуден бас тартты. Біз бұл көлемнің орнын толтыруға келістік, ахуалдан шығудың дұрыс шешімі табылды деп ойлаймын", - деді министр.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.