Қазақстандық зауыт радиобайланыс құралдарын өндіруді жоспарлауда
Астана. 11 қараша. Kazakhstan Today - Қорғаныс саласында электронды-оптикалық өнімдерді шығаратын қазақстандық зауыт ("КАЕ" ЖШС-і) және "ASELSAN" түрік компаниясы, АРС025 стандартты радиобайланыс кәсіби құралдарын Қазақстан Республикасында өндіру бойынша технологиялар трансферті туралы келісті, деп хабарлайды "Қазақстан инжиниринг" ҰК" АҚ баспасөз қызметі.
Аталған келісім Астана қаласында 2016 жылдыӊ 10 қараша айында бекітілді. Құжатқа Қазақстан тарапынан "КАЕ" ЖШС бас директоры Тарык Зия Кабоглу, Түркия тарапынан "ASELSAN" компаниясы вице-президенті Байыз Явуз қол қойды.
Келісім "Қазақстан инжиниринг" ҰК" АҚ Басқарма төрағасы Ерлан Ыдырысовтыӊ қатысуымен қол қойылды, өз кезегінде Басқарма төрағасы жобаныӊ өзектілігі - ақпараттық қауіпсіздік деӊгейініӊ қазіргі заман талаптарына орай жоспарланып отырғандығында екендігін атап өтті.
"Біздіӊ келісіміміз Қазақстан Республикасы Тәуелсіздігініӊ 25 жылдық мерейтойын атап өту аясында қол қойылғандығы қуантады. Бұл іс-шара отандық кәсіпорын "КАЕ" ЖШС үшін маӊызды оқиға, сонымен қатар өндірістіӊ әртараптануына және қазақстандық үлестіӊ дамуына әсер етеді",- деді өз кезегінде Басқарма төрағасы.
Келісім аясында Қазақстан Республикасында радиостанциялардыӊ түрлі үлгілерін шығару өндірісі ұйымдастырылады, ірі бөлшектерді жинақтау кезеӊінен бастап электрондық платоларды құрастыруға дейінгі жоғары технологиялық өндіріс деӊгейінде жүзеге асады.
Бұл өнімдер Қазақстан Республикасы Қарулы Күштерін және арнайы мемлекеттік органдарын тиімді және қауіпсіз байланыспен қамтамасыз ететін болады.
Алғашқы радиостанциялар 2017 жылдыӊ бірінші тоқсанында шығарылады деп жоспарланған.
"КАЕ" ЖШС - "Қазақстан инжиниринг" ҰК" АҚ 50% қатысу үлесімен құрылған еншілес компания болып табылады, 49% "ASELSAN" түрік компаниясыныӊ, 1% - Түркияныӊ Қорғаныс өнеркәсібі Комитетініӊ иелігінде.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.