АСТАНА. 31-мамыр. Kazakhstan Today. "Қазына" тұрақты даму қоры "Қазақстанның 30 корпоративтік көшбасшысы" бағдарламасын жүзеге асырушы оператор ретінде айқындалды.
Бұл туралы бүгін "Мемлекет пен жеке меншіктің әріптестігі экономиканы дамыту факторы" атты конференцияда "Қазына" тұрақты даму қоры басқармаларының төрағасы Қайрат Келімбетов мәлім етті, деп хабарлайды Kazakhstan Today тілшісі.
Оператордың басты міндеті - "Қазақстанның 30 корпоративтік көшбасшысы" бағдарламасын жүзеге асыру, мемлекеттік комиссияның шешімдерін іске асыру, сондай-ақ, оператор ретіндегі функциясын жүзеге асыру үшін жеке меншік компаниялармен және мемлекеттік мекемелермен ықпалдастық орнату, келешегі бар топжарғыш жобаларды қолдауға қатысты нұсқауларды әзірлеу болып табылады.
"Қазына"жеке меншік компаниялар мен мемлекеттік мекемелерден келешегі бар даму бағыттары бойынша алынған ақпараттарды жинақтап, олардың қаржылық-экономикалық және маркетингтік-технологиялық тиімділігіне оперативт ік талдау мен сараптама жүргізеді. Бұдан кейін қор мемлекеттік комиссияға ең келешегі бар бағыттар тұрғысында шешім қабылдауға бағдар береді. Сонымен бірге оператор макродеңгейде нарықтарға кешенді талдау жасап, қазақстандық капиталдың әлемдік нарыққа атсалысу перспективасына баға береді, мемлекеттік бағдарламаға сәйкес айқындалған критерийлерге сәйкес жобаларды іріктейді.
"Қазына" сонымен қатар бағдарламаның жүзеге асырылуына, тараптардың өз міндеттемелерін орындауына мониторинг жүргізіп, жобаға қаржылық-экономикалық сараптама жасайды. Бұдан кейін оператор белгіленген мерзім мен үлгі аясында тиісті қорытынды беруге тиіс. Қор топжарғыш жобаға мемлекет тарапынан қолдау көрсетудің тиімді пакетін дайындап, мемлекеттік комиссияның бекітуіне береді, үкіметке бағдарламаның жүзеге асырылуы туралы тоқсан сайын есеп береді.
Оператордың мемлекеттік органдар мен компаниялардан ақпарат алуға; мемлекеттік және басқа да органдарға ел экономикасын модернизациялау үшін қажетті шаралар жөнінде нұсқаулар беруге; сондай-ақ, ел экономикасының тиімділігі мен бәсекелестік қабілетін көтеруге бағытталған стратегиялық мақсатқа байланысты басқа да өкілеттіліктерді жүзеге асыруға құқылы.
Бұдан бұрын да хабарлағанымыздай, "Қазына" тұрақты даму қоры - мемлекеттік басқарушы компания, мемлекеттік даму институттарының бірден-бір акционері (Қазақстан даму банкі, Қазақстанның инвестициялық қоры, Ұлттық инновациялық қор, Шағын кәсіпкерлікті дамыту қоры, Маркетингтік-талдамалық зерттеулер орталығы, Қазақстанның инвестицияларға қолдау көрсету орталығы, Экспорттық несиелер мен инвестицияларды сақтандыру жөніндегі мемлекеттік сақтандыру корпорациясы). Компания 2006-жылдың сәуір айында құрылған, мақсаты - республика экономикасының бәсекелестік қабілетін арттыру мен әртараптандыру үшін шикізаттан басқа саладағы инвестициялар мен инновациялық іс-қызметті арттыру.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
"Қазына" қоры "Қазақстанның 30 корпоративтік көшбасшысы" бағдарламасын жүзеге асырушы оператор ретінде айқындалды
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.