"ҚазТрансГаз Аймақ" Таразда жоба құны 20,2 млрд теңгені құрайтын газ тарату желілерін жаңғыртуды жоспарлауда
"ҚазТрансГаз Аймақ" Таразда 2012-2019 жылдарға арналған газ тарату желілерін жаңғырту жөніндегі жобаны жүзеге асыруды жоспарлауда, деп "Интерфакс-Қазақстан" агенттігіне компанияның баспасөз қызметінің басшысы Бексұлтан Құрманқұлов мәлімдеді.
Астана. 1-наурыз. Kazakhstan Today - "ҚазТрансГаз Аймақ" Таразда жоба құны 20,2 млрд теңгені құрайтын газ тарату желілерін жаңғыртуды жоспарлауда, деп хабарлайды Kazakhstan Today агенттігінің тілшісі.
"ҚазТрансГаз Аймақ" Таразда 2012-2019 жылдарға арналған газ тарату желілерін жаңғырту жөніндегі жобаны жүзеге асыруды жоспарлауда, деп "Интерфакс-Қазақстан" агенттігіне компанияның баспасөз қызметінің басшысы Бексұлтан Құрманқұлов мәлімдеді.
Оның айтуынша, жаңғыртуға кететін шығын 20,2 млрд теңге көлемде жоспарланған, оның 5 млрд теңгеге жуығы жеке қаржыс есебінен, қалғаны займдық қаржы есебінен қаралған, деп хабарлайды Интерфакс Қазақстан ақпараттық агенттігі.
"Жобаның негізгі стратегиялық әріптесі Қазақстан даму банкі. Қарыз ақша осы банк арқылы алынатын болар", деді ол. Жобаны орындауға компания биыл бірінші жартыжылдықта кіріспек.
Жаңғырту шеңберінде Таразда тозығы жеткен жер бетіндегі газ таратушы желілер жер асты отандық полиэтилендік газ құбырларына ауыстырылады және газды есепке алу құралдары да ауыстырылмақ. "Компания жоба шеңберінде Тараздың тұтынушылары үшін смарткарталар мен термокорректорлар енгізілген мембраналық есептегіштерді орнатып береді, олар есепті дәл жүргізуге мүмкіндік бермек", деді ол.
2012 жылы ол үшін 2,2 млрд теңге бөлу көзделген, 2013 жылы - 2,5 млрд теңге, 2014 жылы - 3,3 млрд теңге.
2012 жылы қалада диаметрі 63- 500 мм жер асты полиэтилен құбырының 104 км салу және дербес шкафтық регуляторлық пункттердің (ШРП) шамамен 2,5 мыңын аустыру көзделген, 2013 жылы 90 км газ бөлетін желі салу және 1539 ШРП ауыстыру, 2014 жылы шамамен 188 км желі салып, 3490 ШРП ауыстыру көзделген, деді Б.Құрманқұлов.
Оның айтуынша, бұл инвестициялық жоба мемлекеттік табиғи монополияларды реттеу агенттігінде келісілген және қазір мұнай мен газ министрлігінің келісімін алу үшін сонда өткізілген.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.