Қызылордада газ саласына қатысты форум өтті
Еліміздегі газдың қоры 4 триллион текше метр шамасында. Жылына қазақстандықтар шамамен 18 миллиард текше метр көгілдір отын тұтынады.
Алматы. 20 маусым. Kazakhstan today. Қызылордада "Қазақстанның газ саласы дамуының келешегі" атты форум өтті.
Форумда облыс орталығын ғана емес, аудандарды да үздіксіз экологиялық қауіпсіз көгілдір отынмен қамтамасыз етуге бағытталған жаңа технологиялар мен инновациялық жобалар қаралды, деп мұнай және газ министрлігінің баспасөз қызметі хабарлады.
Еліміздегі газдың қоры 4 триллион текше метр шамасында. Жылына қазақстандықтар шамамен 18 миллиард текше метр көгілдір отын тұтынады.
ҚР Мұнай және газ вице-министрі Мағзұм Мырзағалиевтің айтуынша, Қызылорда облысының газ жөнінде келешегі зор, өйткені осы жақта екі үлкен жоба іске асыру жоспарланған. "LNG" - сұйытылған газ шығаруға және "GTL" - дизель отынын шығаруға арналған зауыттар салынбақ.
"Осы жобалар іске асырылса, өндіріске жаңа инновациялар енгізіліп, жаңа жұмыс орындары ашылып және жергілікті бюджетке қосымша салық түседі", деп атап өтті вице-министр.
Қызылорда облысын газификациялау бойынша жоспарда енді Арал, Казалы аудандары мен Байқоңыр қаласы кезекте тұр.
Ағымдағы жылы Мұнай және газ министрлігінің қолдауымен Ақтау, Атырау, Орал және Қызылорда қалаларында мұнай-газ форумдары өткізілді.
Аймақтық мұнай-газ форумдары Қазақстан мен Ресейдің аймақаралық ынтымақтастығының ХІ форумын өткізу үшін алдын-ала дайындық алаңы болмақ.
Екатеринбург қаласында өткен Х қазақстан-ресей форумында Мемлекет басшысының бастамасымен 2014 жылы осындай кездесуді "Көмірсутегі саласындағы инновация" тақырыбымен алдағы күзде Атырау қаласында өтеді.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.