Қостанай облысында егін жинау науқаны қарсаӊында қуаты 40 000 тонна астық сақтау элеваторы іске қосылды.
Қостанай. 10 Қыркүйек. Kazakhstan Today - Элеваторлар мен астық сақтау ыдыстарыныӊ проблемасы бұрыннан бері бар. Астықтыӊ сақталуын қамтамасыз ету мақсатында "ҚазАгроҚаржы" АҚ еуропалық озық технологиялар бойынша тұрғызылған астық қоймаларын іске қосуда. Бүгінгі таӊда компания бүкіл Қазақстан бойынша 358 мыӊ тоннадан аса астық сақтауға жағдай жасаған, деп хабарлайды Kazakhstan Today агенттігініӊ тілшісі.
Осы аптада Қостанай облысыныӊ Таранов ауданында қуаты 40 000 тонна "Olzha Storag" ЖШС тағы да бір ірі қоймасы іске қосылды. Жобаныӊ жалпы құны 1 миллиард 485 миллион теӊгеден асады.
Астық қоймасыныӊ басшыларыныӊ айтуынша, мұнда өнімді тек сақтап қана қоймай, оныӊ сапалық сипаттамасын да арттыратын болады. Соӊғы уақытта егін жинау науқаны кезінде жиі жауын-шашындардыӊ салдарынан астық дымқыл болды. Қазір мұнда астықты тиімді тазартып, кептіру үшін техникалық мүмкіндіктер бар. Сонымен бірге, бұл элеватор толығымен газбен жабдықталатын болады. Газ таяу орналасқан ауылдарға да жүргізілетін болады, ал ауыл тұрғындары 44 қосымша жұмыс орындарына ие болуға мүмкіндік алады.
Бүгінгі күнніӊ өзінде "Olzha Storag" элеваторы жаӊа өнімді қабылдап алуға әзір. Қостанай облысында ендігі жарты миллион тоннадан сәл көбірек астықты жинап та үлгерді. Басшылардыӊ сендіруінше, тіпті жауын-шашынды ауа райы мұндай жарақтандырылу кезінде астықты сақтау жағдайларына және одан арғы сапасына әсерін тигізбейді.
Сөз реті келіп тұрғанда, айта кету керек, бүгінгі таӊда "ҚазАгроҚаржы" АҚ қаржылай қолдауыныӊ арқасында бүкіл ел бойынша сомасы 10,5 млрд. теӊгедан артық жалпы жобалық қуаты 358 500 тонна 15 ірі астық қоймасы іске қосылған.
"Olzha Storag" жобасы - 2015 жылы "ҚазАгроҚаржы" АҚ желісі бойынша іске қосылған бесінші астық қойма. Ағымдағы жылдыӊ аяғына дейін Ақмола, Қостанай және Солтүстік Қазақстан облыстарында астық қоймаларын құру бойынша кемінде 10 жобаны іске қосу жоспарланып отыр.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.