14.04.2022, 18:22 27391

Мағзұм Мырзағалиев "ҚазМұнайГаз" басшысы болды

Сурет: kmg.kz

НҰР-СҰЛТАН. 14 СӘУІР - Қазақстан Республикасы Президентінің бұрынғы кеңесшісі Мағзұм Мырзағалиев "ҚазМұнайГаз" ҰК АҚ Басқарма Төрағасы болып тағайындалды, деп хабарлайды KAZAKHSTAN TODAY "ҚазМұнайГаз" ҰК АҚ баспасөз қызметіне сілтеме жасап.

ҚР Президенті Әкімшілігінің және ҚР Үкіметінің келісімі бойынша "Самұрық-Қазына" АҚ Басқармасының шешімімен Мағзұм Мырзағалиев "ҚазМұнайГаз" ҰК АҚ Басқарма төрағасы болып тағайындалды", - деп хабарлайды Ұлттық компанияның баспасөз қызметі.

Бұған дейін Тоқаев Мырзағалиевті Президенттің кеңесшісі қызметінен босатқан болатын.

Мырзағалиев бұған дейін ұлттық компания құрылымында жұмыс істеген. 2010-2012 жылдары – "ҚазМұнайГаз" ҰК АҚ басқарушы директоры. 2012-2013 жылдары – "ҚазМұнайГаз" ҰК АҚ Басқарма төрағасының инновациялық даму және сервистік жобалар жөніндегі орынбасары.

Естеріңізге сала кетейік, 11 сәуірде Құрманғазы Есқазиев "ҚазМұнайГаз" ҰК АҚ Басқарма төрағасының міндетін атқарушы болып тағайындалды. Алик Айдарбаевтың Басқарма Төрағасы ретіндегі өкілеттігі берілген өтінішіне сәйкес мерзімінен бұрын тоқтатылды.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

22.05.2026, 20:39 12641

Нұрлыбек Нәлібаев мұнай-газ кешені мен көлік инфрақұрылымын дамыту мәселелері бойынша кеңестер өткізді

Премьер-министрдің бірінші орынбасары Нұрлыбек Нәлібаевтың төрағалығымен "ҚазМұнайГаз", "QazaqGaz", "Қазақстан темір жолы", "ҚазАвтоЖол" ҰК" басшылығының қатысуымен кеңестер өтті, деп хабарлайды Үкіметтің баспасөз қызметінен.

Кеңес барысында компаниялардың ағымдағы қызметі және алдағы кезеңге арналған жоспарлар туралы есептер тыңдалды. Қатысушылар мұнай-газ секторын дамыту, газ саласын дамыту, сондай-ақ еліміздің теміржол және автожол инфрақұрылымын жаңғырту бағытындағы стратегиялық мәселелерді қарады.

ҚазМұнайГаз" ҰК" АҚ қызметіндегі басым бағыттар - геологиялық барлау жұмыстарын ұлғайту, ресурстық базаны толықтыру және мұнай өндірудің тұрақты деңгейін қамтамасыз ету. Қолданыстағы кен орындарында мұнай өндіруді арттыру, экспорттық инфрақұрылымды дамыту және мұнай жеткізу маршруттарын әртараптандыру мәселелеріне ерекше көңіл бөлінеді. Сонымен қатар мұнай өңдеу зауыттары қуаттарын жаңғыртуға және кеңейтуге, ішкі нарықты мұнай өнімдерімен, оның ішінде авиаотынмен үздіксіз қамтамасыз ету және мұнай-газ химиясы саласын дамыту жобалары қаралды.

QazaqGaz компаниясы қазіргі уақытта өңірлерді газбен қамтамасыз ету, магистралды газ құбырлары мен газ өңдеу зауыттарын салу мәселелерімен бетпе-бет келіп отыр. Кеңесте газ тасымалдау жүйесін жаңғырту, технологиялық шығындарды азайту, ресурстық базаны дамыту және ішкі тұтынушыларды газбен сенімді қамтамасыз ету шаралары жеке қаралды.

Қазақстан темір жолы" ұлттық компаниясының қызметі жылжымалы құрамды жаңарту, теміржол вокзалдарын жаңғырту, өндірістік процестерді цифрландыру және жолаушылар мен жүк жөнелтушілерге көрсетілетін қызмет сапасын арттыру тұрғысынан қаралды.Транзиттік дәліздерді дамытуға, нысандарды салу мен жаңғырту мерзімдерін сақтауға, мемлекеттік органдармен, жергілікті атқарушы органдармен және мердігерлік ұйымдармен өзара үйлестіруді күшейтуге ерекше назар аударылды.

Өз кезегінде "ҚазАвтоЖол" ұлттық комапниясында Мемлекет басшысының автомобиль жолдарының ұлттық желісін дамыту жөніндегі тапсырмаларын орындау қорытындылары ұсынылды. Халықаралық және республикалық маңызы бар автожолдардағы ірі инфрақұрылымдық жобаларды жүзеге асыру барысы, сондай-ақ жол инфрақұрылымын күтіп ұстау, жөндеу және жаңғырту мәселелері қаралды. Құрылыс жұмыстарының сапасына, транзиттік дәліздердегі "тар тұстарды" жоюға және жол қозғалысы қауіпсіздігін арттыруға ерекше назар аударылды.

Талқылау барысында Премьер-министрдің бірінші орынбасары стратегиялық жобаларды уақтылы іске қосу, өндірістік инфрақұрылымның тұрақты жұмысын қамтамасыз ету, сондай-ақ инвестициялық қызметтің тиімділігін арттырудығ маңыздылығын атап өтті.

Нұрлыбек Нәлібаев мұнай-газ кешенін озық қарқынмен дамыту, газбен қамту деңгейін арттыру, энергетикалық қауіпсіздік пен ішкі нарық тұрақтылығын қамтамасыз ету, жобалардың сапалы әрі уақтылы орындалуы, тасымалдау үдерісінің тиімділігін арттыру, қозғалыс қауіпсіздігін нығайту және елдің көліктік-логистикалық әлеуетін дамытуға бағытталған нақты нәтижелерге қол жеткізудің маңыздылығына тоқталды.

Кеңес қорытындысы бойынша жоспарлы көрсеткіштердің орындалуын қамтамасыз етуге, жобаларды жүзеге асыруды жеделдетуге, салаға қатысушылар арасында үйлестіруді күшейтуге және мұнай-газ, көлік секторларын одан әрі дамыту жөнінде ұсыныстар дайындауға бағытталған тиісті тапсырмалар берілді.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

22.05.2026, 20:01 12436

Қазақстан мен Дүниежүзілік банк экономикалық реформалар бойынша бірлескен іс қимыл жоспарын дайындайды

Сурет: primeminister.kz

Қазақстан Республикасы Премьер-министрінің орынбасары - ұлттық экономика министрі Серік Жұманғарин Дүниежүзілік банктің Қазақстандағы Тұрақты өкілі Андрей Михневпен және ұйымның халықаралық сарапшыларымен жұмыс кездесуін өткізді, деп хабарлайды Үкіметтің баспасөз қызметінен.

Кездесу ҚР Премьер-министрі бастамашылық еткен бірқатар талқылаулардың жалғасы ретінде толығымен жаңа инвестициялық циклды жүзеге асыру, ұзақ мерзімді капитал тарту, экономиканың өнімділігін арттыру және одан арғы құрылымдық реформалар үшін тәжірибе тетіктерін дайындау мәселелеріне арналды.

Талқылауға Ұлттық экономика, Қаржы, Сыртқы істер, Жасанды интеллект және цифрлық даму министрліктерінің, сондай-ақ басқа да мүдделі мемлекеттік органдар мен квазимемлекеттік сектордың өкілдері қатысты.

Кездесу барысында Дүниежүзілік банктің сарапшылары Қазақстанның мемлекеттік секторының деректеріне негізделген болашақ талдамалық есептің құрылымын ұсынды. Талқылаудың өзегі Экономиканың жоғары өнімділікке, технологиялық жаңаруға және халық табысының өсуіне сапалы түрде көшуіне бағдарланған "3I" моделі болды. Оның атауы ағылшын тіліндегі инвестиция, ықпалдасу және инновация сөздерінен құралған.

Есепті таныстыру шеңберінде мемлекеттік шығысты жоспарлауды жетілдіруге және әлеуметтік қолдаудың белсенді шараларын дамытуға айтарлықтай көңіл бөлінді. Сарапшылар Қазақстандағы цифрландырудың жоғары деңгейін атап өтті. Бұл мемлекеттік көмекті барынша жедел, дәлме-дәл және оған нағыз мұқтаж азаматтардың санатына көрсетуге мүмкіндік береді.

Кәсіпкерлікті қолдау құралдарын талқылау кезінде сарапшылар "Даму" қорының бағдарламаларына талдау жасап, ШОБ кәсіпорындарын жұмыспен қамтуды арттыру мен жаңғыртудың драйвері ретінде ішінара несиелік кепілдік беру тетігінің жоғары тиімділігін атап өтті.

Кездесу қорытындысында тараптар бастамаларды талдамалық ұсынымдардан іс жүзіне асыруға көшу туралы уағдаласты. Ұлттық экономика министрлігі, Стратегиялық жоспарлау және реформалар жөніндегі агенттігі және басқа да ведомстволармен бірлесіп, кешенді іс-қимыл жоспарын дайындаумен айналысатын бірлескен жұмыс тобы құрылады.

Кеңес беру процесі біз үшін маңызды. Ұсынылған шара әрбір салалық министрлікпен, жергілікті атқарушы органмен егжей-тегжейлі талқыланып, олардың ағымдағы міндеті де толық ескерілуі маңызды. Өңірлерді толыққанды тарту қазірдің өзінде жергілікті ерекшеліктерді дәлірек анықтап, әр облыс үшін қолданбалы құралды әзірлеуге мүмкіндік береді. Біз оны жоғары деңгейде талқылағаннан кейін, келісілген жалпы стратегия ретінде ұсыну үшін қыркүйек-қазанға арналған іс-қимыл жоспарының жобасын бірлесіп дайындаймыз деген үміттеміз", - деді Андрей Михнев.

ҚР Премьер-министрінің орынбасары - ұлттық экономика министрі Серік Жұманғарин өз кезегінде бірлескен жұмыстың стратегиялық басымдықтарын атап өтті:

Біздің басты міндетіміз - терең экономикалық талдауды практикалық және түсінікті шараларға көшіру. Мемлекет басшысы айтып отырған жаңа инвестициялық цикл бізден белсенді тәсілдерді талап етеді. Біз ұзақ мерзімді жеке капитал үшін барынша тартымды жағдай жасауды, технологиялық жаңару үшін кедергілерді алып тастауды және отандық бизнеске дамудың пәрменді құралдарын ұсынуды көздейміз. Дүниежүзілік банкпен бірлескен іс-қимыл жоспары жүргізіліп жатқан құрылымдық реформалардың сабақтастығын қамтамасыз ететін және сапалы экономикалық өсудің негізін қалайтын нақты бағдарға айналады", - деп атап өтті вице-премьер.

22.05.2026, 13:45 12226

Қазақстан 11,7 млн тонна астық пен астық есебіндегі ұн экспорттады

Сурет: gov.kz

Қазақстан темір жолы" ҰК" АҚ мәліметінше, 2025 жылғы қыркүйектен 2026 жылғы 20 мамырға дейін астық пен астық баламасындағы ұн экспортының көлемі 11,7 млн тоннаны құрады. Бұл өткен жылдың осы кезеңімен салыстырғанда 13,6%-ға жоғары (10,3 млн тонна), деп хабарлайды Қазақстан Республикасы Ауыл шаруашылығы министрлігінің баспасөз қызметінен.

Экспорт көлемінің өсуі Орталық Азия елдері мен Ауғанстан бағыттарында байқалды. Атап айтқанда, Өзбекстанға экспорт 39,5%-ға артып, 3,5 млн тоннадан 4,8 млн тоннаға жетті. Қырғызстанға жеткізілім көлемі 1,5 есеге өсіп, 297 мың тоннадан 457 мың тоннаға дейін ұлғайды.

Сондай-ақ Ауғанстан бағыты бойынша айтарлықтай өсім тіркелді, экспорт көлемі 2,3 есеге артып, 1,3 млн тоннадан 3 млн тоннаға жетті. Түрікменстанға экспорт 47,7%-ға ұлғайып, 130 мың тоннадан 192 мың тоннаға дейін өсті.

Қарқынды өсім қазақстандық астық өнімдеріне сыртқы нарықтарда сұраныстың жоғары екенін, сондай-ақ экспорттық логистиканы дамыту және шетелдік серіктестермен сауда-экономикалық ынтымақтастықты кеңейту бағытында қабылданып жатқан шаралардың тиімділігін көрсетеді.

21.05.2026, 12:32 16441

Алматыда қоқыс өңдеу зауытының құрылысы басталатын мерзім белгілі болды

Сурет: Pixabay.com

Қазақстан Республикасының Премьер-министрі Олжас Бектенов қалдықтарды энергияға айналдыру саласындағы ҚХР мен Орталық Азиядағы ірі жобаларды жүзеге асыру тәжірибесі бар жетекші қытайлық компаниялардың бірі - Hunan Junxin Environmental Protection Co., Ltd компаниясының директорлар кеңесі төрағасы Дай Даогомен кездесу өткізді, деп хабарлайды Үкіметтің баспасөз қызметінен.

Кездесу бұған дейін өткізілген диалогтің жалғасы болды, оның қорытындысы бойынша Алматы қаласында қалдықтарды энергетикалық кәдеге жарату туралы инвестициялық келісім жасалды.

Бірлескен инвестициялық жобаны жүзеге асыру барысы талқыланды: инвестициялардың жалпы көлемі 145,5 млрд теңгені құрайды.

ҚР Премьер-министрі Олжас Бектенов жүзеге асырылып жатқан жобаның маңыздылығын атап өтіп, еліміздің жаңа Конституциясында бекітілген басымдықтардың бірі - қоршаған ортаны қорғау екенін атап өтті. Осыған байланысты Үкіметтің алдында инвестициялар мен озық технологияларды тарта отырып, экологиялық жаңғыртуға бағытталған нақты жобаларды жүзеге асыру міндеті тұр.

Елдеріміздің көшбасшылары - Қазақстан Президенті Қасым-Жомарт Тоқаев пен Қытай Халық Республикасының Төрағасы Си Цзиньпин мырза бізге экономикалық қатынастарды дамыту үшін зор мүмкіндіктер жасап отыр. Қытай Халық Республикасы - біздің негізгі сауда-экономикалық серіктестеріміздің бірі. Hunan компаниясының Қазақстан нарығына келуін құптаймыз және бірлескен жобаларға жан-жақты қолдау көрсетуге дайынбыз. Біздің былтырғы кездесуіміз барысында еліміз үшін осы маңызды жобаға жақсы серпін берілген болатын", - деп атап өтті Олжас Бектенов.

Директорлар кеңесінің төрағасы Дай Даого 29 мамырда құрылыс жұмыстарының басталатынын хабарлады. Нысан екі жыл ішінде пайдалануға беріледі деп жоспарлануда. Жоба ТҚҚ өңдеудің анағұрлым заманауи моделін енгізуді көздейді - яғни оларды кейіннен электр энергиясына айналдыра отырып қайта өңдеу қарастырылған. Зауыттың іске қосылуы жылына шамамен 200 мың тонна CO₂ шығарындыларын азайтуға, полигон көлемін жыл сайын шамамен 800 мың текше метр үнемдеуге және "жасыл" энергияны тұрақты өндіруге ықпал етеді. Кәсіпорын тәулігіне 2 мың тоннаға дейін қалдықты өңдеп, 60 МВт-қа дейін электр энергиясын өндіре алады. Құрылыс кезеңінде кемінде 700 уақытша жұмыс орны құрылады, ал зауыт іске қосылғаннан кейін 120 тұрақты жұмыс орны ашылады.

Біз екі жыл ішінде барлық жұмыстарды толық аяқтайтынымызға сенімдіміз. Қазақстан Президенті мен Үкіметі тарапынан елдің "жасыл" дамуына қатысты үлкен жұмыстар жүргізіліп жатқанын көріп отырмыз. Біз Қазақстанның "жасыл" дамуына және инвестиция тартуға нақты үлес қосатын ірі жоба болу үшін ұмтылып, сол бағытта жұмыс істеп жатырмыз", - деді директорлар кеңесінің төрағасы Дай Даого.

Жоба сонымен қатар сенімді электрмен жабдықтауды, цифрлық шешімдер үшін энергияны пайдалануды және қыста өнеркәсіптік тұтынушылар мен қалалық қажеттіліктерге таза жылу беруді қамтамасыз ететін үш "жасыл" орталықты құруды көздейді. Бұдан бөлек, технологияларды енгізуге, қосалқы бөлшектер өндірісін локализациялауға, жергілікті мамандарды даярлауға және экологиялық мәдениетті арттыруға бағытталған үш базаны қалыптастыру жоспарлануда.

Кездесу қорытындысы бойынша Премьер-министр Олжас Бектенов салалық мемлекеттік органдарға жобаны уақтылы пайдалануға беру үшін одан әрі сүйемелдеуді қамтамасыз етуді тапсырды.

21.05.2026, 09:30 17201

Қазақстанда контейнерлік тасымал көлемі артып келеді

Сурет: gov.kz

Қазақстанда контейнерлік тасымал көлемі тұрақты өсім көрсетуде, деп хабарлайды Қазақстан Республикасы Көлік министрлігінің баспасөз қызметінен.

2025 жылдың қорытындысы бойынша контейнермен тасымалданған жүк көлемі 2203 мың ЖФЭ-ге дейін өсті, ал 2024 жылы бұл көрсеткіш 2115 мың ЖФЭ құраған. Осы кезеңде контейнерлендіру деңгейі 6,7%-дан 8%-ға дейін артты.

Өсім 2026 жылы да жалғасуда. 2026 жылдың қаңтар-сәуір айларында контейнерлік тасымал көлемі 742 мың ЖФЭ-ні құрады. Ал 2025 жылдың осы кезеңінде бұл көрсеткіш 709 мың ЖФЭ болған. Контейнерлендіру деңгейі 8,2%-дан 8,5%-ға дейін өсті.

Оң динамика экспорттық, импорттық және әсіресе транзиттік контейнерлік тасымал көлемінің артуымен байланысты. Бұл Қазақстанда заманауи логистикалық форматтардың дамып келе жатқанын және елдің транзиттік әлеуетінің нығайып жатқанын көрсетеді.

Мемлекет басшысының 2025 жылғы 8 қыркүйектегі Жолдауын іске асыру аясында контейнерлік және мультимодальды тасымалды дамытуға бағытталған бағдарламалық құжат қабылдау жоспарлануда.

Құжатта терминалдық инфрақұрылымды дамыту, цифрлық сервистерді кеңейту, кедендік және технологиялық рәсімдерді жеңілдету, сондай-ақ контейнерлік операцияларды басқарудың бірыңғай жүйесін қалыптастыру бойынша шаралар қарастырылған.

Жоспарланған шараларды іске асыру контейнерлендіру деңгейін арттыруға, логистикалық процестердің тиімділігін күшейтуге және Қазақстанның өңірдегі ірі көлік-логистикалық хаб ретіндегі позициясын нығайтуға мүмкіндік береді.

12.05.2026, 13:32 109996

Қазақстанда көктемгі егін егу жұмыстарын қаржыландыру көлемі 5 есе өсті

Ерте несиелеу тетіктері мен кепілдік беру құралдарын енгізу ағымдағы маусымда диқандарды қолдауды едәуір арттыруға мүмкіндік берді. Бұл туралы Үкімет отырысында "Бәйтерек" ҰИХ" АҚ басқарма төрағасы Рустам Қарағойшин баяндады, деп хабарлайды Үкіметтің баспасөз қызметінен.

Осы жылы көктемгі егін егу және жинау жұмыстарына кемінде 750 млрд теңге бағыттау жоспарлануда, бұл 2023 жылғы көрсеткіштен 5 есе артық. "Кен дала 2" бағдарламасы аясында қаражат 18 айға дейінгі мерзімге жылдық 5% мөлшерлемемен беріледі. Қазіргі уақытта несиелеудің жалпы сомасы 534 млрд теңгеден асты, 6,4 млн гектардан астам ақапта егін егіп отырған 4,2 мың ауыл шаруашылығы тауарын өндірушілер жеңілдікті қарыздар алды.

Кепіл тапшылығы мәселесін шешу үшін "Даму" қорының кепілдік беру құралы қарқынды түрде пайдаланылуда, ол несие сомасының 85%-на дейін жабады. Қазіргі уақытта 209 млрд теңгеге 1,5 мың кепілдік берілді. Бұдан басқа, "ҚазАгроҚаржы" арқылы жылдық 5% жеңілдікпен техника лизингі де жалғасуда. Жыл басынан бері диқандарға 180 млрд теңгеден астам сомаға 5 мыңнан астам ауыл шаруашылығы техникасы берілді, бұл көлемнің 90%-ы отандық өндіріске тиесілі", - деді ол.

Премьер-министр Олжас Бектенов бұрын берілген несиелерді қайтаруды бақылауда ұстау және револьверлік механизм бойынша қаражатты тиімді пайдалануды қамтамасыз ету қажеттігіне назар аударды.

Мұны да бақылауда ұстау керек, әйтпесе біз жыл сайын қаражат бере алмаймыз. Қаржыландырудың мұндай қомақты көлемі негізінен револьверлік механизм бойынша берілуі тиіс: алдымен қаражат қайтарылады, содан кейін қайтадан беріледі. Осы мәселені бақылауға алыңыз", - деді Олжас Бектенов.

12.05.2026, 10:21 110421

Өнеркәсіптің өңдеу секторындағы өсім төрт айда 9,9%-ға жеделдеді

Экономиканың өсу қарқыны төртінші ай жеделдеуде. ҰСБ-ның алдын ала деректері бойынша, 2026 жылғы қаңтар-сәуір айларында Қазақстанның ЖІӨ өсімі өткен жылдың сәйкес кезеңімен салыстырғанда 3,6%-ды құрады, деп хабарлайды Қазақстан Республикасы Ұлттық экономика министрлігінің баспасөз қызметінен.

Бірінші тоқсанның қорытындысымен салыстырғанда экономикалық өсім серпіні айтарлықтай жақсарды (2026 жылғы қаңтар-наурызда ЖІӨ өсуі 3%).

Төрт айдың қорытындысы бойынша өнеркәсіптік өндіріс оң өсім көрсетті. Нақты көлем индексі 102,1% болса, бірінші тоқсанның қорытындысы бойынша 99,9%-ға төмендеу тіркелді.

Өнеркәсіпті қалпына келтірудің негізгі факторы өңдеу секторының жеделдеуі болды. Онда өндіріс қаңтар-наурыздағы 8,5%-ға қарағанда 9,9%-ға өсті.

Машина жасаудағы жоғары өсу қарқыны (өсу 23,3%) көлік құралдарын, ауыл шаруашылығы және теміржол техникасын, электр тауары мен жабдығын шығару көлемін ұлғайту есебінен сақталады.

Сондай-ақ жеңіл өнеркәсіп өнімі өндірісінде 2,3 есе, жиһаз өндірісінде 41,7%, фармацевтика өнімінде 35,2%, құрылыс материалдарында 27,7%, химия өнеркәсібінде 18,4%, тамақ өнімдерінде 14,4% өсу байқалады.

Тау-кен өнеркәсібінде төмендеу сақталғанмен (92,7%), оның қарқыны бірінші тоқсанмен салыстырғанда айтарлықтай бәсеңдеді (88,6%). Бұл өндірістің біртіндеп қалпына келуін және мұнай секторының жалпы экономикалық динамикаға теріс үлесінің азаюын көрсетеді.

Тұтастай алғанда, жылдың алғашқы төрт айындағы экономиканың оң серпіні негізгі секторлардағы орнықты өсумен қамтамасыз етілді. Ең жоғары өсім қарқыны мына салаларда тіркелді:

құрылыс-114,5%;
көлік және қоймалау - 112%;
өңдеу - 109,9%;
сауда - 105,1%;
ауыл шаруашылығы-103,6%

Осылайша, ЖІӨ-нің нақты өсімінің қазіргі құрылымы шикізаттық емес сектордың, атап айтқанда құрылыс, көлік, сауда және өңдеу өнеркәсібінің рөлін күшейтумен сипатталады.

Ең көп оқылғаны