Маңғыстау облысында өндіріс пен кәсіби техникалық мекемелері арасында байланыс қалыптасқан
Өңір басшысының айтуынша, кәсіби мамандар бойынша облыс экономикасының күн тәртібіндегі мәселелерді шешу үшін облыстың барлық колледждерінде қосымша ағылшын тілі пәні оқытылуда, деп хабарлайды Парламент Мәжілісі Аппаратының баспасөз қызметі.
Алматы. 16 мамыр. Kazakhstan today. Мәжілістегі "Экономика салаларына арналған техникалық және кәсіби, жоғарғы білім беру жүйесіндегі маман дайындау сапасы мен болашағы туралы" парламенттік тыңдалымда сөз алған Маңғыстау облысы әкімі Алик Айдарбаев оқу орындары мен кәсіпкерлік ынтымақтастығының тиімділігі туралы өңірде қалыптасқан тәжірибемен бөлісті.
А.Айдарбаевтың айтуынша, алдағы уақытта облыста халықаралық транспорттық жүк саласындағы негізгі қатысушы ретінде Қазақстанның беделін нығайта түсетін бірқатар жобалардың іске асырылатынын айтты. Осы жобалардың іске асырылуы білікті кадрларға мұқтаждық тудырмақ.
Өңір басшысының айтуынша, кәсіби мамандар бойынша облыс экономикасының күн тәртібіндегі мәселелерді шешу үшін облыстың барлық колледждерінде қосымша ағылшын тілі пәні оқытылуда, деп хабарлайды Парламент Мәжілісі Аппаратының баспасөз қызметі.
Сонымен қатар, үш оқу орындарында қытай тілін оқытудың қанатқақты жобалары басталуда.
Кәсіпкерліктермен де келісім шарттар құрылуда. 2012 оқу жылында 504 келісімге қол қойылып, 2013 жылы бұл көрсеткіш 590-ға жетті.
"Иріптестік өз жемісін беруде. Соңғы үш жылда кәсіпкерліктер есебінен оқыған студенттер саны 52-ден 227-ге дейін артқан. Алайда біз оқу орындары мен өңірдің кәсіпкерліктер арасындағы байланысты тереңдетпекшіміз. Бүгінде 8 колледжде 11 мамандық бойынша дуалды білім беру элементтері енгізілуде. Жаңа оқу жылынан бастап тағы 7 колледжде дуалды оқыту элементтері енгізілмек", - дейді А.Айдарбаев.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.