Мұнай секторы кәсіпорындарынан Ұлттық қорға түскен түсімдер 2009 жылы қордан тартылған трансферттердің мөлшерінен асып түсті - Жәмішев
Мұнай секторы кәсіпорындарынан Ұлттық қорға түскен түсімдер 2009 жылы қордан тартылған трансферттердің мөлшерінен асып түсті - Жәмішев
Астана. 17 мамыр. Kazakhstan Today - Мұнай секторы кәсіпорындарынан Ұлттық қорға түскен түсімдер 2009 жылы қордан тартылған трансферттердің мөлшерінен асып түсті. Бұл туралы бүгін қаржы министрі Болат Жәмішев Мәжілісте Қазақстан Республикасы үкіметінің және Есеп комитетінің 2009 жылғы республикалық бюджеттің атқарылуы туралы есептерінің таныстырылымы кезінде мәлім етті, деп хабарлайды Kazakhstan Today.
"Күрделі экономикалық ахуалға қарамастан, мұнай секторы кәсіпорындарынан Ұлттық қорға түскен түсімдер 2009 жылы қордан республикалық бюджетке тартылған трансферттердің мөлшерінен 24,8%-ға асып түсті", - деді Б. Жәмішев.
Оның айтуынша, "Ұлттық қордың қаржысын тиімді басқару нәтижесінде 2009 жылы 2008 жылғы тапшылықпен салыстырғанда кірістер шығыстардан асып түсті". "2009 жылы кірістердің шығыстардан артуына бағалы қағаздар мен шетел валютасымен жүргізілген операциялардан түскен кіріс басты себеп болды, ал керісінше, 2008 жылы бұл операциялар бойынша шығын болған", - деді ол.
Отырыста ҚР Қаржы министрі Болат Жәмішевпен қатар Республикалық бюджеттің атқарылуын бақылау жөніндегі есеп комитетінің төрағасы Омархан Өксікбаев баяндама жасады.
Осы құжаттар бойынша құрылған жұмыс тобының жетекшісі, Мәжілістің Қаржы және бюджет комитетінің мүшесі Аманжол Жазиннің түсіндірмесіне сүйенсек, отырысқа парламент депутаттарымен қатар ҚР Ұлттық банкінің, орталық атқарушы және басқа мемлекеттік органдардың өкілдері қатысты.
Таныстырылым шеңберінде ҚР Қаржы нарығы мен қаржылық ұйымдарды реттеу және қадағалау агенттігінің 2009 жылы Қазақстанның қаржы жүйесін тұрақтандыру үшін Ұлттық қордан бөлінген қаражаттың пайдалану қорытындысы жөнінде мәліметі тыңдалады деп жоспарлануда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.