Н. Назарбаев: АДБ 20 жылдық серіктестік қарым-қатынас ішінде Қазақстанға 3,5 млрд доллар инвестициялады
Осы уақыт аралығында банк елімізге 3,5 млрд. долл. инвестициялады. Өткен жылдан бастап Қазақстан донор болды. Біздің мемлекетіміз Орталық-Азиялық аймақтық-экономикалық ынтымақтастық бағдарламасына белсенді қатысуда. Бүгінде бағдарлама аясында банкпен бірлесіп елімізде "Батыс Еуропа - Батыс Қытай" халықаралық көлік дәлізі жобасы жүзеге асырылуда", - деді Президент.
Алматы. 4 мамыр. Kazakhstan today. АДБ 20 жылдық серіктестік қарым-қатынас ішінде Қазақстанға 3,5 млрд доллар инвестициялады. Бұл туралы Азия даму банкінің жыл сайынғы 47-інші отырысының ашылу салтатында ҚР Президенті Нұрсұлтан Назарбаев мәлім етті.
"Бүкіл қазастандықтар атынан Азия даму банкінің басқару кеңесінің 47-інші отырысына қош келдіңіздер деймін. АДБ қатысушы мемлекеттердің барлығына Жыл сайынғы отырысты өткізуімізге сенім білдіргендеріңіз үшін алғыс айтамын", - деді Н.Назарбаев.
Мемлекет басшысы атап өткендей, ағымдағы жылы Қазақстан мен Азия даму банкінің серіктестік қарым-қатынасыны 20 жыл толады.
"Осы уақыт аралығында банк елімізге 3,5 млрд. долл. инвестициялады. Өткен жылдан бастап Қазақстан донор болды. Біздің мемлекетіміз Орталық-Азиялық аймақтық-экономикалық ынтымақтастық бағдарламасына белсенді қатысуда. Бүгінде бағдарлама аясында банкпен бірлесіп елімізде "Батыс Еуропа - Батыс Қытай" халықаралық көлік дәлізі жобасы жүзеге асырылуда", - деп Президент өз ойын толықтырды.
Сонымен қатар ол, бірлескен қызметтің мақсаты Азия аумағындағы экономикманың өсіміне септігін тигізу, деді.
"Қазақстан өзара инвестицияны қорғау бойынша Азияның 14 мемлекетімен келсімге отырды. Жалпы құрылымда Азиялық инвестицияның көлемі 2013 жылы 17%-ға жетті. Азия даму банкі Орталық Азия, Таяу Шығыс, Азияның Оңтүстік-Шығыс елдерінде маңызды инвестиция көзі болып табылады. Оның үстіне банктің беделі Азия және Тынық мұхыттың аумығынан асып кеткен. Оның дәлелі ретінде Азиялық даму банкіне АҚШ, Канада, Германия елдерінің қатысушы болғанын алға тартса балғаны", - деп Н.Назарбаев сендірді.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.