Омскіде Ресей мен Қазақстанның тауар өндірушілерінің форумы өтеді
Омскіде Ресей мен Қазақстанның тауар өндірушілерінің форумы өтеді.
Павлодар. 31-қазан. "Қазақстан Бүгін" - Омскіде Ресей мен Қазақстанның шекаралас аймақтарының тауар өндірушілерінің форумы өтеді. Бұл туралы "Қазақстан Бүгін" агенттігінің тілшісіне Омск облысының әкімшілігінен хабарлады.
"Аталмыш іс-шараның басты мақсаты - екі мемлекеттің шекаралас аумақтарындағы екіжақты өзара тиімді ынтымақтастықты дамыту",- деп атап өтті аймақ әкімшілігіндегілер. Олар сондай-ақ "осы тектес бірінші рет өтіп жатқа форумға 50-ден астам ресейлік және қазақстадық компаниялар қатысады, деп күтілуде",- деп қосты.
28 - 29-қарашада екі күн бойы өтетін форум аясында инвестициялық жобалардың ашылуы, сондай-ақ ресейлік және қазақстандық іскер орталардың арасындағы бизнес келіссөздерін ұйымдастыру жоспарлануда. Сонымен қатар, "Транспорттық-логистикалық инфрақұрылым құру, Ресей мен Қазақстанның шекаралас ынтымақтастығы"; "Қазақстан мен Ресейдің шекаралас аймақтарындағы ынтымақтастық мәселелеріне қатыты әлеуетті мүмкіндіктері" сияқты тақырыптарда ғылыми-практикалық конференция және "Кәсіпорындардағы сыртқы эконмикалық іс-қызметті жүзеге асыру барысындағы проблемалар" тақырыбында семинар жүргізу межеленген.
Омск облысы әкімшілігінің хабарлауынша, Қазақстан Омск облысының ТМД елдерінің арасындағы сауда серіктестерінің арасындағы көшбасшы орынды иеленеді. 2007 жылдың аяғына дейін Қазақстанмен сауда айналымы 430 млн АҚШ долларына жетеді.
Қазіргі уақытта облыс аумағында 30-дан астам ресей-қазақстандық кәсіпорындар қызмет істейді. Қазақстандық компаниялардың қолдауымен бірнеше ірі инвестициялық жобалар жүзеге асырылуда. Жуықта Омск облысының үкіметі, "ТұранИлем" банкі мен "Титан" компаниялары тобының арасында үшжақты инвестициялық келісім жасалған, онда 2012 жылға дейін мұнайхимия кешені саласында бірнеше жаңа кәсіпорындар құру қарастырылған.
Сонымен қатар, Қазақстанның жетекші банк құрылымы ипотекалық несиелеу мен тұрғын үй құрылысын, Омск облысының ауылшаруашылығын қаржыландыруға қатысады. Қазақстандық бизнестің аймақ экономиксына салған инвестициясының жалпы көлемі бүгінгі күнде 200 млн АҚШ долларынмен бағаланады.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.