Оңтүстік Қазақстан облысында басқа аймақтарға тасымалдайтын көкөніс өнімдерінің қоры жоқ
Шымкент. 27-ақпан. "Қазақстан Бүгін" - Оңтүстік Қазақстан облысында көкөніс өнімдерінің қоры жоқ, оңтүстіктен көкөніс тасымалын тек мамыр айында ғана бастауға болады. Бұл туралы бүгін облыстық әкімшілікте еліміздің индустрия және сауда министрі Владимир Школьниктің төрағалығымен өткен кеңесте айтылды, деп хабарлайды "Қазақстан Бүгін" агенттігінің тілшісі.
"Алдымыздағы басты міндет - берілген дәлізде инфляцияны ұстап тұру. Және де бұдан маңызды міндет жоқ. Қаңтар айында инфляция желтоқсанмен салыстырғанда 1,1 пайызды құраған, бұл көрсеткіштің 50 пайызы көкөніс өнімдері бағасының өсуіне негізделіп отыр. Біз Қазақстанды халықтың қол жетерлік бағадағы көкөністермен қамтамасыз етуге тиіспіз",- деп мәлім В. Школьник.
В. Школьниктің пайымдауынша, қазіргі уақытта бұл міндетті шешудің екі жолы бар: осында, облыста көкөніс өнімдерін өндіруге ынталандыру және жеміс-жидектер мен көкөністерді басқа елдерден тасымалдауға барынша себепші болу.
ҚР Индустрия және сауда министрлігінің сауда бөлімінің төрағасы Айдар Қозыбақов өз баяндамасында, облыстағы ахуалмен таныса келе Қазақстанның оңтүстігінде көкөніс өнімдерінің тауарлық қорының жоқ екендігін айтуға мәжбүр екендігін атап өтті.
"Біз кеше "Оңтүстік" әлеуметтік-кәсіпкерлік корпорациясымен бірге аталмыш проблемаға қатысты мәселелерді пысықтадық. Өкінішке орай, дәл осындай жағдайда Оңтүстік Қазақстан облысынан ақпан - сәуір айларында көкөніс тасымалдау мүмкіндігі болмай отыр. Нарықта ұсыныс жоқ. Күзде құрылған қор жетпеді. Бағаның шарықтауы басталып та кетті. Көкөністер жоқ, көрші елдерден тасымалдау қажет. Мамыр айынан бастап Оңтүстік Қазақстан облысынан фьючерстік қаржыландыру жағдайында тұрақты тасымалдау реттелуі мүмкін. Біз барлық әлеуметтік-кәсіпкерлік корпорацияларға "Оңтүстік" Илеуметтік-кәсіпкерлік корпорациясымен фьючерс жөніндегі мәселені пысықтауды ұсындық",- деді А. Қозыбақов.
Сонымен қатар, олардың пайымдауынша, көкөніс өнімдерін көктемгі сатып алу үшін мемлекеттік сатып алу жүйесіне өзгертулер енгізу керек, деп атап көрсетті А. Қозыбақов. "Илеуметтік-кәсіпкерлік корпорациялары үшін тендерлік процедура бойынша іс-әрекет ету қажеттілігін алу керек. Ийтпесе бұл ұзаққа созылып кетеді",- деді ол.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.