Оңтүстік Қазақстан облысында жанар-жағармай нарығындағы бес оператордың үстінен әкімшілік іс қозғалды
Оңтүстік Қазақстан облысында жанар-жағармай нарығындағы бес оператордың үстінен әкімшілік іс қозғалды
Шымкент. 2 ақпан. Kazakhstan Today - Оңтүстік Қазақстан облысында ҚР Бәсекелестікті қорғау агенттігі жанар-жағармай нарығындағы бәсекеге қарсы іс-әрекеттері әшкереленген бес операторға айыппұл салды, деп хабарлайды Kazakhstan Today агенттіктің Жамбыл, Қызылорда және Оңтүстік Қазақстан облыстары бойынша өңіраралық инспекциясының хабарламасына сілтеме жасап.
"Бүгінгі жағдаймен жанар-жағармай нарығындағы бес субъект бойынша монополияға қарсы заңның жанармай сату кезінде баға белгілеу жөне оны ұстау жөніндегі бөлігін бұзу оқиғасы қаралуда. Бұл дерек бойынша әкімшілік іс қозғалды, олар одан әрі қолданыстағы заңнама нормаларына сәйкес соттың қарауына ұсынылады", - деді өңіраралық инспекцияның ұйымдастыру-құқықтық бөлімінің төрайымы Гүлназ Ишірбаева.
Оның айтуынша, жалпы көлемі 8 млн теңгенің айыппұлы салынды.
"Қазіргі сәтте заң бұзушылықтары әшкереленген осы субъектілерге жүктелген айыппұл 7 млн 938 мың теңгені құрайды. Операторлар тапқан монополиялық кіріс 30 млн теңге көлемінде есептелді", - деді Г. Ишірбаева.
Еске сала кетейік, өткен жылдың күзінде Оңтүстік Қазақстан облысында жанар-жағармай бағасы күрт көтерілді. АИ-92 жанармайының бір литрінің бағасы 100 - 120 теңгеге жетті, алайда осындай бағаға қарамастан, нарықта жанармайдың тапшылығы байқалды. Дағдарысты еңсеру үшін үкімет жанар-жағармайды өнім өндірушілерден көтерме бағаға алып, артынан жанармай облыстан тысқары шығарылмауы үшін бөлшек саудадағы баға деңгейін қадағалай отырып Жанармай таратушы бекеттерге тарататын бірнеше операторды таңдауға шешім қабылдады. Алайда, осындай тоғыз оператордың бесеуі өз кезегінде жанар-жағармайдың бағасын көтеру үшін ымыраластыққа барып, бәсекеге қарсы іс-әрекеттер жасады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.