Ордабасы ауданыныӊ шаруалары сазан балығын өсіре бастады
Мұнан бөлек, ауданда жеке кәсібін бастаған азаматтар баршылық. Мәселен, бүгінде Ордабасыда мал бордақылайтын 150 алаӊ жұмысын бастап, жанұялық 22 сүт фермасы іске қосылды. Сондай-ақ, жеке кәсіпкер Б.Башенов 25 мыӊ басқа арналған құс фермасын салып, жұмысын жүргізіп келеді.
Түркістан. 18 шілде. Kazakhstan Today - Түркістан облысына қарасты Ордабасы ауданыныӊ шаруалары сазан балығын өсіре бастады.
Ондағы Бөржар ауылдық округі, Жамбыл ауылында жеке кәсіпкер "Сайып ата" шаруа қожалығыныӊ төрағасы Амантай Мәулен 6 гектар жерге су айдынын жасап, 2 мыӊ дана сазан балығын суға жіберген. Өз қаржысы арқылы кәсібін бастап отырған азамат болашақта бұл мекенніӊ үлкен демалыс аймағына айналатынын айтады. Шаруасы жайменен ілгері басып келе жатқан қожалықта бес адам жұмыспен қамтылған.
Мұнан бөлек, ауданда жеке кәсібін бастаған азаматтар баршылық. Мәселен, бүгінде Ордабасыда мал бордақылайтын 150 алаӊ жұмысын бастап, жанұялық 22 сүт фермасы іске қосылды. Сондай-ақ, жеке кәсіпкер Б.Башенов 25 мыӊ басқа арналған құс фермасын салып, жұмысын жүргізіп келеді.
Осындай ілкімді істердіӊ арқасында Ордабасы ауданында 2018 жылдыӊ 5 айында ауыл шаруашылығы жалпы өнімініӊ (қызметініӊ) көлемі 9 млрд 154 млн. 500 мыӊ теӊгені құрап, 2017 жылмен (8 млрд 045 млн. 300 мыӊ теӊге) салыстырғанда 1 млрд 109 млн. 200 мыӊ теӊгеге артты. Ауыл шаруашылығы дақылдарыныӊ 55 300 га егістік жерлерді игеру жоспары 102 пайызға орындалып, 56 553 гектарды құрады.
Суармалы жер жыл басынан бері 725 гектарға ұлғайтылды. 7,04 гектар жылыжай іске қосылып, 541,54 гектарға тамшылатып суғару әдісі енгізілді. Қарқынды бау шаруашылығын дамыту үшін 60 гектарға жүзім, 40 гектарға жаӊғақ егу жоспарланды. Бұл бағытта, бүгінгі таӊда 34 га бау, 5 га жүзім көшеті отырғызылды. Сонымен қатар, Бөржар ауыл округінде "Александровский сад" ЖШС - 20 га жеміс пен жаӊғақ көшеттерін, "Green town south" ЖШС - 10 га жеміс көшеттерін отырғызып, қарқынды шаруашылықтарын ұлғайтуды көздеуде.
Жыл басынан бері "Сыбаға" бағдарламасымен 333 ірі қара, "Алтын асық" бағдарламасымен алынатын 1268 уақ мал, "Құлан" бағдарламасы бойынша 361 жылқы алынды. Тереӊ қопсыту әдісін қолдану бағытында 9500 га жерді өӊдеу жоспарланған. Бұл бағытта 11 соқа алынып, 9807 га жерге тереӊ қопсыту әдісі ендірілді. Ауыл шаруашылығы техникаларын жаӊалау бойынша жыл басынан бері 39 техника алынды.
Түркістан облысы әкімініӊ баспасөз қызметі
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.